Jun 02

சீமானின் ‘கோபம்‘ ஜி.வி.பிரகாஷ் மீது பாய்ந்தது!

இயக்குனரும், நடிகருமான சீமான் இயக்கும் ‘கோபம்’ படத்தில் ஜி.வி.பிரகாஷ் நடிக்கவுள்ளார்.

நடிகரும், இசையமைப்பாளருமான ஜி.வி. பிரகாஷ் தற்போது பிஸியாக நடித்து வருகிறார். அவர் கைவசம் 6 படங்கள் உள்ளன. இந்நிலையில் விரைவில் ஜி.வி. பிரகாஷ், சீமான் இயக்கத்தில் ஒரு படம் நடிக்கவுள்ளார் என்ற தகவல் வெளியாகியுள்ளது.

சீமான் அரசியலில் ஈடுபட்டதால் சினிமாவிற்கு நீண்ட இடைவெளி விடவேண்டியிருந்தது. தற்போது மீண்டும் படம் இயக்குவது உறுதியாகியுள்ளது. ஜி.வி.பிரகாஷ் மற்றும் சீமான் இணையும் இந்த படத்திற்கு ‘கோபம்‘ என்ற டைட்டில் வைக்கப்பட்டுள்ளது. இந்த படத்தின் படப்பிடிப்பு மிக விரைவில் தொடங்கவுள்ளது.

இந்த படத்தில் ஜி.வி.பிரகாஷூக்கு ஜோடி முடிவாகவில்லை. விரைவில் இந்த படம் குறித்த அதிகாரபூர்வ அறிவிப்பு வெளியாகவுள்ளதாகவும் கூறப்படுகிறது.