Jul 31

மலேசிய அரசு சார்பில் கருணாநிதியை நிலையை விசாரிக்க வருகை

மலேசிய அரசின் நாடாளுமன்ற சபாநாயகர் விக்னேஸ்வரன் திமுக தலைவர் கருணாநிதியின் உடல் நிலை குறித்து விசாரிக்க இன்று சென்னை வந்தார். 

சிறுநீரக நோய்த்தொற்று ஏற்பட்டு சென்னை கோபாலபுரம் இல்லத்தில் திமுக தலைவர் கருணாநிதி தொடர் சிகிச்சை பெற்றார். தொடர்ந்து அவரது உடல் நிலையைக் கருத்தில் கொண்டு மருத்துவமனையில் சேர்க்கும் முடிவை மருத்துவ சிறப்புக் குழுவினர் எடுத்தனர். 

இதனையடுத்து கருணாநிதிக்கு ஆழ்வார்ப்பேட்டை காவிரி மருத்துவமனையில் அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு வருகிறது. 

பல்வேறு முக்கியப் பிரமுகர்களும் தலைவர்களும் கருணாநிதியின் உடல் நிலை பற்றி விசாரிக்க காவேரி மருத்துவமனைக்கு வந்த வண்ணம் உள்ளனர்.

இந்நிலையில் மலேசியாவிலிருந்து அந்நாட்டு நாடாளுமன்ற சபாநாயகர் விக்னேஸ்வரன் மற்றம் அரசு அதிகாரிகள் இன்று சென்னை காவேரி மருத்துவமனைக்கு வந்து ஸ்டாலின் உள்ளிட்ட குடும்பத்திரைச் சந்தித்து கருணாநிதியின் உடல்நிலை குறித்து விசாரித்தனர்.

பின் பேட்டி அளித்த விக்னேஷ்வரன், “திமுக தலைவர் கருணாநிதி விரைவில் பூரண குணமடைய மலேசிய மக்கள் சார்பில் பிரார்த்தனை செய்கிறேன்” என்று கூறினார்.