Jul 30

இன்னும் எத்தனைப் பேரை கல்யாணம் பண்ண! - காட்டமான தமன்னா

தன் திருமணம் குறித்த வந்தந்திக்கு நடிகை தமன்னா காட்டமாக டுவிட்டரில் பதிவை போட்டுள்ளார். 

விளம்பரத்தில் தொடங்கி, தென்னிந்திய சினிமாவைத் தொடர்ந்து, டோலிவுட், பாலிவுட் என அடுத்தடுத்த நடிப்பு எல்லைக்கு சென்றவர் தமன்னா. 

இதே போல் அவரின் திருமணம் குறித்தும் அடுத்தடுத்த நிலைக்கு வதந்திகள் கிளம்பி வருகின்றன. அண்மையில் அமெரிக்க மருத்துவருடன் தமன்னா திருமணம் செய்ய உள்ளார் என்ற வதந்தி பரவியது. இதுகுறித்து தமன்னா தனது டுவிட்டரில் காட்டமாக விளக்கமளித்துள்ளார். 

இதில், “முதலில் ஒருநாள் நடிகர், மற்றொரு நாள் கிரிக்கெட் வீரர், இப்போ மருத்துவர்.இப்படி என் திருமணம் குறித்து பல வதந்திகள் பரப்பப்படுகின்றன. நிச்சயம் இது போன்ற வதந்திகளை ஊக்கப்படுத்தக் கூடாது. ஆதாரமன்ற்ற இந்த செய்திகள் என்னை பற்றி வெளி வருவது வருத்தமளிக்கிறது.

நான் தனி ஆளாக மகிழ்ச்சியாக இருக்கிறேன். என் வீட்டார் மாப்பிள்ளை வேட்டை நடத்தவில்லை. திருமணம் பற்றி முடிவெடுத்தால், அதை நானே தெரிவில் வந்து இந்த உலகிற்கு அறிவிப்பேன். தேவையில்லாமல் நீங்களே கற்பனை செய்துகொள்ள வேண்டாம்.” என தெரிவித்துள்ளார்.