Jul 30

உலக பேட்மிண்டன் இன்று தொடக்கம்- பி.வி.சிந்து, சாய்னா முத்திரை பதிக்க வாய்ப்பு

உலக பேட்மிண்டன் சாம்பியன்ஷிப் போட்டி சீனாவில் நான்ஜிங் நகரில் இன்று தொடங்குகிறது. ஆகஸ்டு 5-ந்தேதிவரை இந்தப்போட்டி நடக்கிறது.

இந்தியாவின் முன்னணி வீராங்கனைகளான பி.வி. சிந்து, சாய்னா நேவால் உலக பேட்மின்டன் போட்டியில் முத்திரை பதிப்பார்களா? என்று எதிர்பார்க்கப்டுகிறது.

உலக தரவரிசையில் 3-வது இடத்தில் சிந்து 2016-ம் ஆண்டு பிரேசிலில் நடந்த ஒலிம்பிக் போட்டியில் வெள்ளிப் பதக்கம் பெற்றார். உலக பேட்மின்டன் சாம்பியன் போட்டியில் 2017-ம் ஆண்டு வெள்ளிப் பதக்கமும், 2013 மற்றும் 2014-ல் வெண்கல பதக்கமும் பெற்றார். இதனால் அவர் மீதான எதிர்பார்ப்பு அதிகமாக இருக்கிறது.

உலக தர வரிசையில் 10-வது இடத்தில் இருக்கும் சாய்னா நேவால் 2012-ம் ஆண்டு லண்டன் ஒலிம்பிக்கில் வெண்கல பதக்கம் பெற்று இருந்தார். உலக பேட்மின்டன் போட்டியில் 2 பதக்கம் பெற்று இருந்தார். 2015-ம் ஆண்டு வெள்ளியும், 2017-ல் வெண்கலமும் பெற்றார்.

வீரர்களில் ஸ்ரீகாந்த் கடாம்பி மீது எதிர்பார்ப்பு இருக்கிறது. அவர் உலக தர வரிசையில் 7-வது இடத்தில் உள்ளார்.