Jul 27

தல பேட்டிங்ல கில்லாடின்னா, குட்டி தல ஆல்ரவுண்டர் - டிராவிட்டின் மகன் அசத்தல்

முன்னாள் இந்திய கிரிக்கெட் கேப்டனும், தன் பொறுமையான பேட்டிங்கால் இந்தியாவின் சுவர் என அழைக்கப்பட்டவர் ராகுல் டிராவிட். இவர் இந்திய அணியில் இருக்கும் போதும் சரி, ஓய்வு பெற்ற பின்னரும் சரி இந்திய அணிக்காக பாடுபட்டு வருகின்றார். 

உலகக் கோப்பை வென்று கொடுத்த டிராவிட் :

19வயதுக்குட்பட்டோர் இளையோர் இந்திய அணிக்கு பயிற்சியாளராக உள்ள ராகுல் டிராவி, இந்தாண்டு நடந்த 19வயதுக்குட்பட்டோருக்கான உலகக் கோப்பையை இந்திய அணி பெற முக்கிய காரணமாக இருந்தார். 

குட்டி ராகுல் அசத்தல் :

டிராவிட் கிரிக்கெட்டில் கொடிகட்டி பறந்த நிலை போய், தற்போது அவரின் 12 வயது மகன் சமித் டிராவிட், பள்ளிகளுக்கிடையேயான 14 வயதுக்குட்பட்டோருக்கான கோட்டோனியன் ஷீல்டு கோப்பை போட்டியில் பங்கேற்றார்.

இந்த போட்டியில் கடைசி வரை அவுட்டாகாமல் 51* ரன்கள் எடுத்து அசத்தியதோடு, பவுலிங்கில் வெறும் 9 ரன்கள் மட்டும் விட்டுக் கொடுத்து 3 விக்கெட்டுகளை வீழ்த்தியுள்ளார். கடந்த ஜனவரியில் நடண்ட BTW கோப்பை போட்டியின் போது சமித் டிராவிட் சதம் அடித்து அவரின் அணியை கோப்பையை வெல்ல காரணமாக இருந்தார்.