Jul 26

சூரிச் விமான நிலையம் இரவு நேர விமானப் போக்குவரத்தை கட்டுப்படுத்தவுள்ளது

சுவிச்சர்லாந்தின் பிரதான விமான நிலையத்தில் விமான சேவைகளுக்கான கால அளவின் எண்ணிக்கையை குறைக்க மத்திய விமான போக்குவரத்து அதிகாரிகள் முடிவு செய்துள்ளனர்.

விமான நிலையத்திற்கு அருகே வசிக்கும் மக்களுக்கு இரைச்சல் குறைக்க, இரவு 9 மணிக்குப் பின்னர் தரையிறங்கவும், இரவு 10 மணிக்குப் பிறகு விமானங்கள் புறப்படவும், தடை விதிக்கப்பட வேண்டும் என்று சிவில் ஏவியேஷன் மத்திய அலுவலகம் அறிவித்துள்ளது.

கடந்த செப்டம்பர் மாதம் ஒரு உத்தியோகபூர்வ அறிக்கை, இரவு 10 மணிக்கும் நள்ளிரவுக்கும் இடையிலான விமான சத்தம் சில நேரங்களில் அனுமதிக்கப்பட்ட அளவுக்கு அதிகமாக இருந்ததைக் கண்டறிந்தது.

முறையான கண்காணிப்பின் மூலம், பகல் நேரங்களில் ஏற்படும் சத்தம் பொதுவாக உத்தியோகபூர்வ விதிமுறைகளுடன் இணங்குவது கண்டறியப்பட்டது.

விமான நிலையத்தின் இயக்குநர்கள் இந்த முடிவுக்கு வருத்தம் தெரிவித்துள்ளனர். அத்தகைய கட்டுப்பாடுகள் விமான நிலையத்தின் மேம்பாட்டிற்கான சாத்தியக்கூறுகளை மட்டுப்படுத்திக்கொள்ளக்கூடும் என எச்சரிக்கை செய்யப்படுகிறது.

இந்த முடிவு மேல்முறையீட்டுக்கு உட்பட்டது.

தொடர்ச்சியான சர்ச்சையில், சுவிஸ் மற்றும் அண்டை நாடான ஜேர்மனி பல தசாப்தங்களாக சத்த உமிழ்வுகளுக்கான ஒரு உடன்பாட்டை அடைய முயற்சிக்கின்றன.