Jul 25

எனக்கு பஞ்ச் டயலாக் சொல்லிக் கொடுத்தவங்க கீர்த்தி சுரேஷ்: சூரி பெருமிதம்!

எனக்கு பஞ்ச் டயலாக் சொல்லிக் கொடுத்தவங்க கீர்த்தி சுரேஷ் என்று காமெடி நடிகர் சூரி சாமி ஸ்கொயர் படத்தின் ஆடியோ வெளியீட்டு விழாவின் போது பேசியுள்ளார். 

இயக்குனர் ஹரி இயக்கத்தில் சியான் விக்ரம், கீர்த்தி சுரேஷ், ஐஸ்வர்யா ராஜேஷ் ஆகியோர் பலர் நடிப்பில் உருவாகி வரும் படம் சாமி ஸ்கொயர். இவர்களுடன் இணைந்து சூரி, பிரபு, இமான் அண்ணாச்சி, உமா ரியாஷ் கான், பாபி சிம்ஹா, ஜான் விஜய் உள்பட பலர் நடித்துள்ளனர். இப்படத்தின் இசை வெளியீட்டு விழா நேற்று சென்னையில் நடந்தது. தேவி ஸ்ரீ பிரசாத் படத்திற்கு இசையமைத்துள்ளார்.

விழாவின் போது பேசிய காமெடி நடிகர் சூரி கூறுகையில், இசையமைப்பாளர் தேவி ஸ்ரீ பாதி நேரமும், ஜிம்மிலும், மீதி நேரம் ஸ்டூடியோவிலும் இருக்கிறார். சீக்கிரமே ஹீரோவாக வருவார் என்று எதிர்பார்க்கிறேன். இயக்குனர் ஹரி எப்போதும் பரபரப்பாகவே இருப்பார்.

அவரோட பரபரப்பு தற்போது தமிழ் சினிமா மட்டுமல்ல, பாலிவுட் ஹீரோக்களுக்கும் தொற்றிக்கொண்டது. படப்பிடிப்பின் போது என்னோட அன்பு தங்கச்சி அண்ணே இப்படியொரு பஞ்ச்ச இந்த இடத்துல போடுங்க…. சும்மா அப்படியே தெரிக்கும் என்று சொல்லித்தருவார் என்று கூறியுள்ளார்.

இப்போ தான் சின்ன புள்ளையா பாத்தேன் அதுக்குள்ள எனக்கே சொல்லிதரும் அளவிற்கு வளர்ந்துவிட்டார் என்று நகைச்சுவையாக கூறியுள்ளார் என்பது குறிப்பிடத்தக்கது.