Jul 25

சியோமி Mi A2 மற்றும் A2 லைட் ஸ்மார்ட்போன்கள் அறிமுகம்

சியோமி நிறுவனத்தின் Mi A2 சீரிஸ் ஆன்ட்ராய்டு ஒன் ஸ்மார்ட்போன்கள் ஸ்பெயின் நாட்டில் நடைபெற்ற விழாவில் அறிமுகம் செய்யப்பட்டுள்ளது. இது ஏப்ரல் மாதத்தில் அறிமுகமான Mi 6X ஸ்மார்ட்போனின் சர்வதேச மாடலாக அமைந்திருக்கிறது. 

Mi A2 ஸ்மார்ட்போனில் 5.99 இன்ச் FHD பிளஸ் 18:9 ரக டிஸ்ப்ளே, ஸ்னாப்டிராகன் 660 சிப்செட், 12 எம்பி பிரைமரி கேமரா,  f/1.75 அப்ரேச்சர், சோனி IMX486 சென்சார், 20 எம்பி இரண்டாவது பிரைமரி கேமரா, சோனி IMX376 சென்சார் வழங்கப்பட்டுள்ளது. இத்துடன் 20 எம்பி சோனி IMX376 சென்சார் கொண்ட செல்ஃபி கேமரா, சாஃப்ட் எல்இடி ஃபிளாஷ் மற்றும் ஏ.ஐ. பியூடிஃபிகேஷன் வழங்கப்பட்டுள்ளது.

சியோமி Mi A2 ஸ்மார்ட்போன் புளு, கோல்டு மற்றும் பிளாக் என மூன்று நிறங்களில் கிடைக்கிறது. இதன் 4 ஜிபி ரேம், 32 ஜிபி மெமரி கொண்ட மாடலின் விலை 249 யூரோ (இந்திய மதிப்பில் ரூ.20,065), 64 ஜிபி விலை 279 யூரோ (இந்திய மதிப்பில் ரூ.22,485) என்றும் டாப் என்ட் 6ஜிபி ரேம், 128 ஜிபி வேரியன்ட் விலை 349 யூரோ (இந்திய மதிப்பில் ரூ.28,130) என நிர்ணயம் செய்யப்பட்டுள்ளது.

சியோமி Mi A2 லைட் ஸ்மார்ட்போன் பிளாக், புளு மற்றும் கோல்டு நிறங்களில் கிடைக்கிறது. இதன் 3 ஜிபி ரேம், 32 ஜிபி மெமரி மாடலின் விலை 179 யூரோ (இந்திய மதிப்பில் ரூ.14,435), 4 ஜிபி ரேம், 64 ஜிபி மெமரி மாடல் 229 யூரோ (இந்திய மதிப்பில் ரூ.18,460) என நிர்ணயம் செய்யப்பட்டுள்ளது.

சியோமி Mi A2 மற்றும் Mi A2 லைட் ஸ்மார்ட்போன்கள் ஸ்பெயினில் ஆகஸ்டு 10-ம் தேதி, ஃபிரான்ஸ் நாட்டில் ஜூலை 27-ம் தேதி, இத்தாலியில் ஆகஸ்டு 8-ம் தேதி முதல் கிடைக்கும் என தெரிவிக்கப்பட்டுள்ளது. இதைத் தொடர்ந்து இந்தியா உள்பட உலகின் 40 நாடுகளில் விற்பனை துவங்கும் என தெரிகிறது.