Jul 23

முதல் முறையாக ருவாண்டாவுக்கு சுற்றுப்பயணம் மேற்கொள்ளும் இந்திய பிரதமர்!

பிரதமர் நரேந்திர மோடி ருவாண்டா, உகாண்டா மற்றும் தென் ஆப்ரிக்கா ஆகிய நாடுகளுக்கு இன்று சுற்றுப்பயணம் மேற்கொள்ள உள்ளதாக மத்திய வெளியுறவுத்துறை அமைச்சகம் தெரிவித்துள்ளது. 

முதல் முறையாக ருவாண்டாவுக்கு இந்திய பிரதமர் நரேந்திர மோடி சுற்றுப்பயணம் மேற்கொள்ள இருக்கிறார். இதற்காக டெல்லியிலிருந்து புறப்படும் மோடி முதலில் ருவாண்டா செல்கிறார். அதன் பிறகு அங்கிருந்து உகாண்டா நாட்டிற்கு செல்லும், மோடி 24 மற்றும் 25 ஆகிய தேதிகளில் பல்வேறு கூட்டங்களில் கலந்து கொள்ள இருக்கிறார்.

தொடர்ந்து உகாணடா மற்றும் ருகாண்டா ஆகிய நாட்டு அதிபர்களுடன் பாதுகாப்பு குறித்து பேச்சுவார்த்தை நடத்தவுள்ளார். அதோடு, ருவாண்டா நாட்டின் முக்கிய திட்டமான கிரின்கோ எனப்படும் ஒரு குடும்பத்திற்கு ஒரு பசு வழங்கப்படும் நிகழ்ச்சியில் கலந்து கொள்ளவுள்ளார்.

இரு நாடுகளைத் தொடர்ந்து தென்னாப்ரிக்கா செல்லும் மோடி, பிரிக்ஸ் மாநாட்டில் கலந்துகொள்வார் என்று தகவல் வெளியாகியுள்ளது. இந்த மாநாட்டில் கலந்து கொள்ளும் தலைவர்களுடன் மோடி, இரு நாட்டு பாதுகாப்பு தொடர்பாக விவாதிப்பார் என்று எதிர்பார்க்கப்படுகிறது.