Jun 01

சாம்பியன்ஸ் டிராபி: அசத்தும் கூகுளின் கிரிக்கெட் டூடுள்

சாம்பியன்ஸ் டிராபி கிரக்கெட் தொடர் போட்டிகள் இன்று முதல் துவங்கவுள்ளதைத் தொடர்ந்து கூகுள் விசேஷ டூடுள் ஒன்றை பதிவிட்டுள்ளது. டூடுளில் புகைப்படம், ஜிஃப், வீடியோக்களை தவிர்த்து இம்முறை புதிய கேமினை கூகுள் பதிவிட்டுள்ளது.

சாம்பியன்ஸ் டிராபி கிரிக்கெட் தொடர் இன்று துவங்குகிறது. முதல் போட்டியில் இங்கிலாந்து மற்றும் வங்கதேசம் மோதவுள்ள நிலையில், கிரிக்கெட் தொடரை சிறப்பித்து கூகுள் சிறப்பு டூடுள் ஒன்றை பதிவிட்டுள்ளது.

உலகின் முக்கிய நிகழ்வுகளை சிறப்பித்து கூகுள் டூடுள்களை பதிவிடுவது வழக்கமான ஒன்று தான்.

இதுவரை டூடுள்களில் புகைப்படம், வீடியோ, ஜிஃப் உள்ளிட்டவற்றை பதிவிட்டு வந்த கூகுள் சாம்பியன்ஸ் டிராபி கிரிக்கெட் தொடரை சிறப்பிக்க புதிய கிரிக்கெட் கேம் ஒன்றை பதிவிட்டுள்ளது.டூடுளை கிளிக் செய்ததும் நத்தை மற்றும் பட்டுப்பூச்சுகள் விளையாடுவதை போன்று அமைக்கப்பட்டுள்ளது. ஒற்றை கிளிக்களில் விளையாடுவதை போன்று வடிவமைக்கப்பட்டுள்ள சிறிய கேம் கூகுள் செய்வோரை பேட்டிங் செய்ய மட்டும் வழி செய்கிறது. 

மிகவும் எளிமைாயக வடிவமைக்கப்பட்டுள்ள கிரிக்கெட் கேம் குழந்தைகளுக்கு மகிவும் பிடித்தமான ஒன்றாக இருக்கும். மேலும் ரன்களை குவித்து அவுட் ஆகும் பட்சத்தில் நீங்கள் குவித்த மொத்த ரன்களை பேஸ்புக், ட்விட்டர் மற்றும் அவுட்லுக் வாயிலாக பகிர்ந்து கொள்ளும் வசதியும் வழங்கப்பட்டுள்ளது.