Jun 01

ஐபேட்டை காப்பியடித்த வடகொரியா; தொழில்நுட்பத்திலும் அமெரிக்காவிற்கு சவால்...!

ஐபேட்டை காப்பியடித்து புதிதாக பிரத்யேக ஐபேட்டை வடகொரியா உருவாக்கியுள்ளது.

உலக நாடுகளின் கடும் எதிர்ப்பையும் மீறி, வடகொரியா தொடர் ஏவுகணை சோதனைகளை நடத்தி வருகிறது. கடந்த ஆண்டு ஹைட்ரஜன் குண்டு சோதனை செய்து, உலக நாடுகளை அதிர்ச்சிக்குள்ளாக்கியது. இதையடுத்து வடகொரியா மீது பல்வேறு பொருளாதார நெருக்கடிகள் விதிக்கப்பட்டன. இதற்கிடையில் வடகொரியாவிற்கும், அமெரிக்காவிற்கும் இடையே மோதல் போக்கு அதிகரித்து வருகிறது.

போர்க் கப்பல்கள், நீர்மூழ்கிக் கப்பல்கள், போர் விமானங்கள் என தொடர்ந்து கொரியா தீபகற்பத்திற்கு அமெரிக்கா அனுப்பி வருகிறது.இந்நிலையில் ஆப்பிள் நிறுவனத்தின் ஐபேட்டை காப்பியடித்து, அதேபோன்று புதிய ஐபேட்டை வடகொரியா உருவாக்கியுள்ளது. தனது நாட்டின் மொழி எழுத்துக்களுடன், ஐபேட்டை ஒத்த தொழில்நுட்பத்துடன் உருவாக்கப்பட்டுள்ளது. அதில் Quadcore 1.2 Ghz CPU, 1GB of RAM மற்றும் 8GB சேமிப்பு வசதி ஆகியவை இடம்பெற்றுள்ளன.

அதனை மியோஹியாங் ஐடி நிறுவனம் உருவாக்கியுள்ளது. அதற்கு ஐபேட் என்று பெயரிட்டிருப்பது குறிப்பிடத்தக்கது. மேலும் மேக் ஓ.எஸ் போன்ற ஓ.எஸ் ஒன்றை உருவாக்கியுள்ளனர்.