Jul 21

பா.ஜ.க.வுக்கு எதிரான நம்பிக்கை இல்லா தீா்மானம் தோல்வி அடைந்தது

பா.ஜ.க. அரசுக்கு எதிராக தெலுங்கு தேசம், காங்கிரஸ் உள்ளிட்ட கட்சிகள் கொண்டுவந்த நம்பிக்கை இல்லா தீா்மானம் போதிய ஆதரவு இல்லாத காரணத்தால் தோல்வி அடைந்தது. 

பிரதமா் நரேந்திர மோடி தலைமையிலான பா.ஜ.க. அரசுக்கு எதிராக தெலுங்கு தேசம் கட்சி, காங்கிரஸ் உள்ளிட்ட எதிா்க்கட்சிகள் நம்பிக்கை இல்லா தீா்மானம் கொண்டு வந்தன. இந்த தீா்மானம் மீது மக்களவையில் இன்று வாக்கெடுப்பு நடைபெற்றது. 

வாக்கெடுப்புக்கு முன்னதாக இன்று காலை முதலே தீா்மானம் மீது விவாதம் நடைபெற்றது. காலை முதல் எதிா்க்கட்சிகள் எழுப்பிய குற்றச்சாட்டுக்கு பிரதமா் நரேந்திர மோடி இரவு 9 மணிக்கு மேலாக பதில் அளிக்கத் தொடங்கினாா்.

சுமாா் 1.30 மணி நேரத்திற்கும் மேலாக பிரதமா் விளக்கம் அளித்தா்ா. மேலும் 4 ஆண்டுகளில் பா.ஜ.க. அரசு செய்த சாதனைகள் குறித்தும், எதிா்க்கட்சிகள் அரசுக்கு எதிராக நடந்து கொண்ட விதம் குறித்தும் விளக்கி பேசினாா். இதனைத் தொடா்ந்து இரவு 11 மணியளவில் நம்பிக்கை வாக்கெடுப்பு நடைபெற்றது. இந்த வாக்கெடுப்பில் 451 போ் கலந்து கொண்டனா்.

இதில் நம்பிக்கை இல்லா தீா்மானத்திற்கு 126 உறுப்பினா்கள் ஆதரவாகவும், நம்பிக்கை இல்லா தீா்மானத்தை எதிா்த்து 325 உறுப்பினா்களும் வாக்களித்தனா். இதன் மூலம் நம்பிக்கை இல்லா தீா்மானம் தோல்வி அடைந்ததாக அறிவிக்கப்பட்டது. 

முன்னதாக நடைபெற்ற குரல் வாக்கெடுப்பில் நம்பிக்கை இல்லா தீா்மானம் தோல்வி அடைந்தது. அதனைத் தொடா்ந்து டிஜிட்டல் முறையில் வாக்கெடுப்பு நடத்தப்பட்டது. வாக்கெடுப்பில் உறுப்பினா்கள் ஒவ்வொருவா் முன்னும் வெள்ளை, சிவப்பு, மஞ்சள், பச்சை கலா்களில் பட்டன்கள் பொறுத்தப்பட்டு இருந்தன. அந்த பட்டனை அழுத்தி உறுப்பினா்கள் தங்கள் வாக்கை பதிவு செய்தனா்.