Jul 20

பட்ஜெட் விலையில் புதிய நோக்கியா ஸ்மார்ட்போன் இந்தியாவில் அறிமுகம்

ஹெச்.எம்.டி. குளோபல் நிறுவனத்தின் நோக்கியா 3.1, நோக்கியா 3 மாடலின் மேம்படுத்தப்பட்ட ஸ்மார்ட்போன் இந்தியாவில் வெளியிடப்பட்டுள்ளது. மே மாதம் ரஷ்யாவில் நடைபெற்ற விழாவில் இந்த ஆன்ட்ராய்டு ஒன் ஸ்மார்ட்போன் அறிமுகம் செய்யப்பட்ட நிலையில், தற்சமயம் இந்தியாவில் அறிமுகமாகியுள்ளது.

நோக்கியா 3.1 ஸ்மார்ட்போனில் 5.2 இன்ச் ஹெச்.டி. பிளஸ் 2.5D வளைந்த கிளாஸ் டிஸ்ப்ளே, மீடியாடெக் MT6750 சிப்செட், 2 ஜிபி ரேம், ஆன்ட்ராய்டு 8.0 ஓரியோ இயங்குதளம், எதிர்காலத்தில் ஆன்ட்ராய்டு பி அப்டேட் வழங்கப்படும் என தெரிவிக்கப்பட்டுள்ளது. புகைப்படங்களை எடுக்க 13 எம்பி பிரைமரி கேமரா, 8 எம்பி செல்ஃபி கேமரா வழங்கப்பட்டுள்ளது.

பின்புறம் பாலிகார்போனேட் மற்றும் பக்கவாட்டுகளில் அலுமினியம் மூலம் உருவாக்கப்பட்டு இருக்கும் நோக்கியா 3.1 டூயல் டைமண்ட் கட் வடிவமைப்பு கொண்டிருக்கிறது. இந்த ஸ்மார்ட்போன் 2900 எம்.ஏ.ஹெச். பேட்டரி மூலம் சக்தியூட்டப்படுகிறது.

நோக்கியா 3.1 ஸ்மார்ட்போன் புளு/காப்பர், பிளாக்/க்ரோம் மற்றும் வெள்ளை/ஐயன் நிறங்களை கொண்டிருக்கிறது. இந்தியாவில் நோக்கியா அதிகாரப்பூர்வ இணையதளம், பேடிஎம் மால் வலைதளம் மற்றும் ஆஃப்லைனில் விற்பனை செய்யப்படுகிறது. இந்தியாவில் நோக்கியா 3.1 ஸ்மார்ட்போன் விலை ரூ.10,499 என நிர்ணயம் செய்யப்பட்டுள்ளது.