Jul 18

சோடிவில்லி தடகள போட்டி: தங்கம் வென்றார் இந்தியாவின் நீரஜ் சோப்ரா!

பிரான்ஸில் நடக்கும் சோடிவில்லி தடகள போட்டிகளில் இந்திய ஈட்டி எறிதல் வீரர் நீரஜ் சோப்ரா தங்கம் வென்று அசத்தினார். 

பிரான்ஸில் சோடிவில்லி தடகள போட்டிகளில் நடக்கிறது. இதன் ஈட்டி எறிதல் பிரிவில் இந்தியாவின் நீரஜ் சோப்ரா 85.17 மீ., தூரம் வீசி முதல் இடம் பிடித்து தங்கப்பதக்கத்தை கைப்பற்றினார். இப்போட்டியில் மால்டோவாவின் ஆண்டிரியன் மார்டாரே (81.48 மீ.,) வெள்ளிப்பதக்கமும், லிதுவேனியாவின் எடிஸ் மாடுசெவிசியஸ் (79.31 மீ.,) வெண்கலப்பதக்கமும் வென்றனர்.

இதில் 2012 ஒலிம்பிக் சாம்பியன் டிரினிடாட் அண்டு டுபாகோவின் கெஸ்ஹார்ன் வால்கோட் (78.26 மீ.,) ஐந்தாவது இடம் பிடித்து ஏமாற்றம் அளித்தார். இதையடுத்து அடுத்த மாதம் இந்தோனேஷியாவில் நடக்கவுள்ள ஆசிய விளையாட்டு போட்டியிலும் நீரஜ் சோப்ரா தங்கப்பதக்கம் வெல்வார் என்ற எதிர்பார்ப்பு அதிகரித்துள்ளது.