Jul 17

ஐசிசி தடையால் அதிர்ந்து போன இலங்கை கேப்டன்!!

மேற்கிந்தியத் தீவுகள் தொடரின்போது, பந்தைசேதப்படுத்திய விவகாரத்தில் இலங்கை கேப்டன் தினேஷ் சண்டிமாலுக்கு 2 டெஸ்ட் போட்டிகள், 4 ஒருநாள் போட்டிகளில் விளையாட தடைவிதிக்கப்பட்டுள்ளது. 

இலங்கை அணி, கடந்த மாதம் வெஸ்ட் இண்டீஸுக்குச் சுற்றுப் பயணம் மேற்கொண்டது. இந்தப் பயணத்தில், இலங்கைக்கும் மேற்கிந்தியத் தீவுகள் அணிக்கும் இடையே நடைபெற்ற இரண்டாவது டெஸ்ட் போட்டியின் போது, இலங்கை அணியின் கேப்டன் தினேஷ் சண்டிமால் வேண்டுமென்றே பந்தை சேதப்படுத்தினர். இது உறுதியான நிலையில்,அப்போதைக்கு அவருக்கு 1 டெஸ்ட் போட்டியில் விளையாட தடைவிதிக்கப்பட்டது. 

இந்நிலையில், அந்த விவாகாரத்தில் கடுமையான நடவடிக்கை வேண்டும் என்பதால், இலங்கை அணியின் கேப்டன், பயிற்சியாளர் மற்றும் மேலாளர் ஆகியோருக்கு 2 டெஸ்ட் போட்டிகள், 4 ஒருநாள் போட்டிகளில் பங்கேற்க, சர்வதேச கிரிக்கெட் சங்கமான ஐசிசி தடை விதித்துள்ளது. 

முன்னதாக, ஆஸ்திரேலிய அணியின் கேப்டன் ஸ்டீவ் ஸ்மித் மற்றும் துணை கேப்டன் வார்னர் பந்து சேதப்படுத்திய விவகாராத்தில் சிக்கி, ஓராண்டு சர்வதேச போட்டிகளில் விளையாட தடை பெற்றனர் என்பது குறிப்பிடத்தக்கது.