Jul 16

சுவிஸ் வங்கியில் மூன்று இந்தியர்களுக்கு சொந்தமான ரூ.300 கோடி பணம்!

சுவிஸ் நே‌ஷனல் பாங்க் வெளியிட்ட தகவலின் படி மூன்று இந்தியர்களுக்கு சொந்தமான பணம் ரூ.300 கோடி கேட்பாரற்று கிடப்பதாக தெரியவந்துள்ளது. 

இந்திய கோடீஸ்வரர்கள் வரி ஏய்ப்பு செய்யும் கருப்புப் பணத்தை சுவிஸ் வங்கிகளில் வைக்கிறார்கள். 

இதில் இந்தியர்களுக்கு சொந்தமான பல ஆயிரம் கோடி ரூபாய் கருப்பு பணம் பதுக்கப்பட்டுள்ளது. 

இந்த கருப்புப் பணத்தை மீட்க பா.ஜ.க. அரசு பல முயற்சிகள் மேற்கொண்டது. இதையடுத்து அங்கு முதலீடு செய்துள்ளவர்களின் பெயர்களை சுவிஸ் வங்கிகள் வெளியிட்டது. மூன்றாவது ஆண்டாக தன்னிடம் கணக்கு வைத்துள்ள வெளி நாட்டவர்கள் குறித்த பட்டியலை சுவிஸ் வங்கி வெளியிட்டுள்ளது.

இதில் இந்தியர்கள் பெயர்களும் உள்ளது. இவர்களில் 6 பேர் தங்களின் பணத்தை உரிமை கொண்டாடமல் உள்ளதாக தகவல் வெளியிடப்பட்டுள்ளது. இதற்கு சமீபத்தில் சுவிட்சர்லாந்து அரசு பல நாடுகளில் உள்ளவர்கள் முறைகேடாக சம்பாதிக்கும் பணத்தை அங்கு டெபாசிட் செய்வதை தடுக்க சட்ட திருத்தம் செய்தது. இதனால் இந்தியர்கள் பணத்துக்கு உரிமை கோராமல் விட்டு விட்டதாக கூறப்படுகிறது. 

தவிர, இந்தியர்களின் பணம் சுமார் ரூ.300 கோடி கேட்பாரற்று கிடப்பதாக குறிப்பிடப்பட்டுள்ளது.