May 31

ஆயிரக்கணக்கான கார் உற்பத்தியை திடீரென நிறுத்திய பிஎம்டபிள்யு!

உதிரிபாகங்களுக்கு நிலவும் தட்டுப்பாடு காரணமாக, ஆயிரக்கணக்கான கார்கள் உற்பத்தியை திடீரென பிஎம்டபிள்யு நிறுவனம் மேற்கொண்டுள்ளது.

சொகுசு கார் தயாரிப்பில் சர்வதேச அளவில் முன்னணி நிறுவனங்களில் ஒன்றாக வலம் வரும் பிஎம்டபிள்யு நிறுவனத்திற்கு, தற்போது ஏற்பட்டுள்ள தேவை அதன் உற்பத்தியை பாதிக்கச் செய்துள்ளது.

ஆம். இந்நிறுவனம் மற்ற நிறுவனங்களைப் போன்றில்லாமல், வாடிக்கையாளர்களிடம் இருந்து கார் வாங்குவதற்கான ஆர்டர்களை பெற்ற பிறகே, கார் தயாரிக்கத் தொடங்கும். சரியான திட்டமிடல் காரணமாக, நேர்த்தியான சொகுசு கார்களை பிஎம்டபிள்யு தயாரித்து வந்தது.

இந்நிலையில், தற்போது அதன் மூலப் பொருட்கள் தேவையில் பாதிப்பு ஏற்பட்டுள்ளது. ஒரு வாரத்தில், பி.எம்.டபுள்யூ உலகளவில் உள்ள தனது தொழிற்சாலைகளில் சுமார் 17,500 கார்களை தயாரிக்கும். தற்போது இந்த சிக்கல் காரணமாக, சுமார் 360 கோடி வரை பி.எம்.டபுள்யூ வருமானம் இழக்கும் அபாயம் ஏற்பட்டுள்ளது.

குறிப்பாக சீனாவில் தயாரிக்கப்படும் பி.எம்.டபுள்யூ 1-4 சிரீஸ் கார்களின் உற்பத்தி பாதிக்கப்பட்டால், அதுவே 550 மில்லியன் அமெரிக்கன் டாலர் வரை அந்நிறுவனத்திற்கு வருமான இழப்பை ஏற்படுத்தும்.

இதையடுத்து, கடந்த ஒரு வாரத்திற்கும் மேலாக உதிரிபாகங்களுக்கு நிலவும் தட்டுப்பாட்டை நீக்க தேவையான முயற்சிகளை மேற்கொண்டுள்ளதாக, பிஎம்டபிள்யு நிறுவனம் தரப்பில் கூறப்படுகிறது.