Jul 10

எப்.சி.சி லிஸ்டில் இடம்பிடித்த சியோமியின் அடுத்த புதுவரவு!

சியோமி நிறுவனம் புது மாடல் ஸ்மார்ட்போன் ஒன்றை அறிமுகம் செய்ய இருக்கிறது. 

சீன ஸ்மார்ட்போன் தயாரிப்பு நிறுவனமான சியோமி, தனது போன்கள் அனைத்தையும் ’மி’ மற்றும் ‘ரெட்மீ’ ஆகிய வரிசைகளில் வெளியிட்டு வருகிறது. இந்நிலையில் முதல் கேமிங் ஸ்மார்ட்போனை பிளாக் ஷார்க் சீரியஸில் சமீபத்தில் சியோமி அறிமுகம் செய்துள்ளது. கடந்த மாதம் ஐரோப்பிய யூனியனில் புதிய ஸ்மார்ட்போன் சீரியஸான ‘போகோபோன்’(POCOPHONE) குறித்து மனு தாக்கல் செய்துள்ளது. 

முன்னதாக தைவான் நாட்டின் என்.சி.சி இணையதளத்தில் சான்றிதழ் பெற்று விட்டது. தற்போது எப்.சி.சி இணையதளத்தில் ஒப்புதலுக்காக மனு தாக்கல் செய்துள்ளது. இந்த ஸ்மார்ட்போனின் மாடல் எண் M1805D1SG. இது என்.சி.சியில் பட்டியலிடப்பட்ட மாடல் எண்ணில் இருந்து முற்றிலும் வேறுபடுகிறது. இருந்தபோதிலும், எப்சிசி ஐடி(2AFZZ-XMSE10A) இரு சாதனங்களுக்கும் ஒன்றாக இருக்கிறது. 

இதன்மூலம் இந்த வகை ஸ்மார்ட்போன்களில் இருவிதமான வகைகளில் வெளிவர இருப்பதை அறியமுடிகிறது. எப்சிசி கோப்புகளின் படி, போகோபோன் மாடலில் 2.5 GHz, 5GHz வைஃபை பேண்ட் மற்றும் ப்ளூடூத் இணைப்பு வசதி உள்ளது.

இதன் முகப்பு கடிதத்தில் போகோபோனின் பரிமாணங்கள் உடனான ஸ்கெட்ச், செங்குத்தான இரட்டை பின்பக்க கேமரா, 151மிமீ - 76 மிமீ - 163 மிமீ அளவுகளைக் கொண்டிருக்கும்.சமீபத்திய வெளிவந்த தகவலின்படி, இந்த போன் 2G (900 MHz / 1800 MHz), 3G (CDMA2000 FDD), மற்றும் 4G (FDD-LTE 2600 MHz / 1800 MHz / and 900 MHz) பேண்ட் ஆகியவற்றிற்கு ஏற்று போன் செயல்படுகிறது. 

இந்த ஸ்மார்ட்போனை சியோமி எப்போது சந்தைக்கு அறிமுகம் செய்யும் என்பது கேள்விக்குறியாகவே உள்ளது. இதுதொடர்பான தகவல் விரைவில் வெளியாகும் என்று எதிர்பார்க்கப்படுகிறது.