May 29

சரியான நேரத்தில் ரசிகருக்கு சச்சின் செய்த உதவி!

இந்திய கிரிக்கெட் அணியுடன் பயணிக்க, தனது தீவிர ரசிகரான சுதிர் குமாருக்கு சச்சின் உதவியுள்ளார்.

இங்கிலாந்தில் வரும் ஜூன் மாதம் 1ம் தேதி முதல் மினி உலகக்கோப்பை என கருதப்படும், சாம்பியன்ஸ் டிராபி கிரிக்கெட் தொடர் நடக்கவுள்ளது. இதில் இங்கிலாந்து, ஆஸ்திரேலியா, இந்தியா, தென் ஆப்ரிக்கா, நியூசிலாந்து, இலங்கை, பாகிஸ்தான், வங்கதேசம் உள்ளிட்ட 8 அணிகளும் பங்கேற்கின்றன.

இத்தொடரில் பங்கேற்கும் இந்திய அணியை உற்சாகப்படுத்த, சச்சினின் தீவிர ரசிகரான சுதிர் குமார் தனியார் ரேடியோ நிறுவனத்தின் ஸ்பான்சராக விண்ணப்பித்திருந்தார். இவருக்கு இதற்காக கடந்த மாதம் பாஸ்போர்ட் வழங்கப்பட்டது. ஆனால், இவரின் விசா விண்ணப்ப முறைகள், தாமதமாகிக்கொண்டே போனது.

இந்த விஷயத்தை தெரிந்துகொண்ட சச்சின், விசா அதிகாரிகளுக்கு உடனடியாக கடிதம் ஒன்று எழுதியுள்ளார். அதில்,’ இந்திய அணியின் தீவிர ரசிகரான சுதிர் குமார், அணி வீரர்களின் எந்தவித உதவியும் இல்லாமல், தனது சொந்த செலவில், சாம்பியன்ஸ் டிராபி போட்டியைக்காணவும், இந்திய அணியை உற்சாகப்படுத்தவும், விசா விண்ணப்பித்துள்ளார்.

அவரின் இந்த முயற்சி விலைமதிப்பில்லாத ஒன்று. இத்தொடரில் மட்டுமல்ல, இந்திய அணி பயனிக்கும் எல்லா தொடர்களிலும் நடக்கிறது. ஆனால் அவருக்கு விசா தாமதிப்பது வருத்தம் அளிக்கிறது. அதனால் அவருக்கு தொடர்ந்து ஒத்துழைப்பு தர வேண்டும் என கேட்டுக்கொள்கிறேன்,’ என அதில் குறிப்பிட்டுள்ளார்.