May 29

1000 ஜி.பி டேட்டா இலவசம் : ஏர்டெல் அதிரடி

ஏர்டெல் பிராட்பேண்ட் திட்டங்களுள் சிலவற்றிற்கு இலவசமாக 1000 ஜி.பி. டேட்டா வழங்கப்படும் என்று ஏர்டெல் அறிவித்துள்ளது.

இந்தியாவின் மிக முக்கிய தொலைத்தொடர்பு நிறுவனங்களான ஏர்டெல்லும் , ஜியோவும் போட்டி போட்டுக் கொண்டு வாடிக்கையாளர்களுக்கு சலுகைகளை வழங்கி வருகிறனர். இந்த இரண்டு நிறுவனங்களும் தற்போது பிராட்பேண்ட் சேவையில் கால் பதிக்க துவங்கியுள்ளது.இந்தநிலையில் ஏர்டெல் பிராட்பேண்ட் திட்டங்களுள் சிலவற்றிற்கு இலவசமாக 1000 ஜி.பி. டேட்டா வழங்கப்படும் என்று ஏர்டெல் அறிவித்துள்ளது.

மே 16-ம் தேதியில் இருந்தோ அல்லது அதற்கு பின்னர் ஏர்டெல் பிராட்பேண்ட் சேவைகளுக்கு 1000 ஜி.பி., இலவச டேட்டா வழங்கப்படும் என்று ஏர்டெல் அறிவித்துள்ளது. டெல்லி பயனாளர்களுக்கு மட்டுமே இந்த சலுகை முதல் கட்டமாக வழங்கப்படும் என்றும் அந்த நிறுவனம் அறிவித்துள்ளது.