May 28

காலா படத்தில் ரஜினியுடன் நடிப்பவர்களின் விவரங்களை வெளியிட்டது படக்குழு

இயக்குநர் ரஞ்சித் - நடிகர் ரஜினிகாந்த் கூட்டணியில் உருவாக உள்ள திரைப்படம் ‘காலா - கரிகாலன்’. இப்படத்தை நடிகர் தனுஷ் தயாரிக்கிறார். தமிழ், தெலுங்கு, இந்தி என 3 மொழிகளில் படம் வெளியாகவுள்ளது. இது ரஜினி நடிக்கும் 164வது படம் என்பது குறிப்பிடத்தக்கது.

இந்தநிலையில் படத்தில் நடிக்க உள்ள நட்சத்திரங்கள் அதிகாரப்பூர்வ அறிவிப்பு வெளியாகியுள்ளது. இந்த படத்தில் ரஜினியுடன் , ஹியூமா குரேஷி, ஈஸ்வரிராவ், நானா படேகர், அஞ்சலி பாட்டீல், சமுத்திரக்கனி, சம்பத், ரவி கேளா, சாயாஜி ஷிண்டே, பங்கஜ் த்ரிபாதி, மகி மகிஜா, மேஜர் பிக்ரம்ஜித், அருள்தாஸ், அரவிந்த் ஆகாஷ், 'வத்திக்குச்சி' திலீபன், ரமேஷ் திலக், மணிகண்டன், அருந்ததி, சாக்‌ஷி அகர்வால், நிதிஷ், வேலு, ஜெயபெருமாள், கருப்பு நம்பியார், யதின் கார்யகர், ராஜ் மதன், சுகன்யா உள்ளிட்ட பலர் நடிக்க ஒப்பந்தம் செய்யப்பட்டுள்ளார்கள்.

இசை - சந்தோஷ் நாராயணன் , கபிலன், உமாதேவி பாடல்களை எழுதுகிறார்கள், ஒளிப்பதிவு- முரளி, கலை ராமலிங்கம், எடிட்டிங் ஸ்ரீகர் பிரசாத், சண்டைக் காட்சிகள் திலீப் சுப்பராயன், நடனம் சாண்டி, ஆடை வடிவமைப்பு அனுவர்தன், சுபிகா என்று படக்குழு அதிகாரப்பூர்வமாக அறிவித்துள்ளது.