Jun 20

வெற்றிதோல்வியின்றி நிறைவுபெற்றது அவமானம்

ஆர்ஜன்டினா அணி ஐஸ்லாந்திடம் வெற்றிதோல்வியின்றி நிறைவுபெற்றது அவமானமாகும். இந்த ஆட்டத்தில் நான் எந்த வீரரையும் குறை சொல்ல மாட்டேன் என ஆர்ஜன்டினா அணியின் முன்னாள் ஜாம்பவான் மரடோனா கூறியுள்ளார்.

உலக கிண்ண கால்பந்து போட்டியில் தனது முதலாவது லீக் ஆட்டத்தில் முன்னாள் சம்பியன் ஆர்ஜன்டினா அணி 1-−1 என்ற கோல் கணக்கில் குட்டி தேசமான ஐஸ்லாந்துடன் வெற்றிதோல்வியின்றி நிறைவுபெற்றது. இந்த ஆட்டத்தில்

ஆர்ஜன்டினா அணியின் நட்சத்திர வீரர் லயனல் மெஸ்சி பெனால்டி வாய்ப்பை கோட்டை விட்டார்.

இந்த ஆட்டம் குறித்து ஆர்ஜன்டினா அணியின் முன்னாள் ஜாம்பவான் மரடோனா கருத்து தெரிவிக்கையில்,

‘ஐஸ்லாந்து அணியுடன் வெற்றிதோல்வியின்றி நிறைவுபெற்றது அவமானமாகும். இந்த ஆட்டத்தில் நான் எந்த வீரரையும் குறை சொல்ல மாட்டேன். மெஸ்சி பெனால்டி வாய்ப்பை தவறவிட்டது தான் வெற்றி கிடைக்காமல் போனதற்கு காரணம் என்று நினைக்கவில்லை.

எதிரணிக்கு தகுந்த படி ஆட்ட யுக்தியை ஆர்ஜன்டினா அணியின் பயிற்சியாளர் அமுல்படுத்தவில்லை. இந்த மாதிரி தொடர்ந்து விளையாடினால் ஆர்ஜன்டினா அணி நாடு திரும்ப முடியாது’ என்றார்