May 28

சிக்கலே இல்லாம சிம்பிளா ஜெயித்த இந்திய அணி!

நியூசிலாந்துக்கு எதிரான சாம்பியன்ஸ் டிராபி பயிற்சி போட்டியில் இந்திய அணி 45 ரன்கள் வித்தியாசத்தில் வெற்றி பெற்றதாக அறிவிக்கப்பட்டது.

இங்கிலாந்தில் வரும் ஜூன் மாதம் 1ம் தேதி முதல் மினி உலகக்கோப்பை என கருதப்படும், சாம்பியன்ஸ் டிராபி கிரிக்கெட் தொடர் நடக்கவுள்ளது. இதில் இங்கிலாந்து, ஆஸ்திரேலியா, இந்தியா, தென் ஆப்ரிக்கா, நியூசிலாந்து, இலங்கை, பாகிஸ்தான், வங்கதேசம் உள்ளிட்ட 8 அணிகளும் பங்கேற்கின்றன.இத்தொடரின் லீக் போட்டிகளுக்கு முன், இந்திய அணி பயிற்சி போட்டியில், நியூசிலாந்து அணியை எதிர்கொள்கிறது. இதில் ’டாஸ்’ வென்ற நியூசிலாந்து அணி கேப்டன் வில்லியம்சன், முதலில் பேட்டிங் தேர்வு செய்தார். இதையடுத்து களமிறங்கிய நியூசிலாந்து அணி, 38.4 ஓவரில் 189 ரன்களுக்கு ஆல் அவுட்டானது.

இதையடுத்து களமிறங்கிய இந்திய அணி, 26 ஓவரில், 3 விக்கெட்டுக்கு 129 ரன்கள் எடுத்தபோது மழை குறுக்கிட்டது. இதனால் போட்டி நடப்பதில் தாமதம் ஏற்பட்டுள்ளது. கோலி (52), தோனி (17) அவுட்டாகாமல் உள்ளனர்.தொடர்ந்து மழை நீடித்ததால், போட்டியை ரத்து செய்வதாக அம்பயர்கள் அறிவித்தனர். தவிர, டி.ஆர்.எஸ்., முறைப்படி, இந்திய அணி 45 ரன்கள் வித்தியாசத்தில் வெற்றி பெற்றதாக அறிவிக்கப்பட்டது.