May 28

கஷ்டத்திலும் சாதித்த தமிழன் மாரியப்பன் தங்கவேலுவை பார்த்து வியந்த சேவக்!

தமிழர்கர்களின் செயலை பாராட்டி தொடர்ந்து பெருமைப் படுத்தி வருகின்றார் விரேந்திர சேவக். அந்த வகையில் பாராலிம்பிக் போட்டியில் இந்தியாவுக்கு தங்கம் பெற்று தந்த மாரியப்பன் தங்கவேலு கஷ்டத்திலும் சாதித்துள்ளார் என புகழ்ந்துள்ளார்.

கடந்தாண்டு நடந்த பாராலிம்பிக் போட்டியில் இந்தியா சார்பில் உயரம் தாண்டுதல் பங்கேற்றார் தமிழகத்தின் சேலத்தை சேர்ந்த மாரியப்பன் தங்கவேலு.

இந்த போட்டியில் அற்புதமாக செயல்பட்டு தங்கப்பதக்கத்தை வென்றெடுத்தார்.ஒலிம்பிக் போட்டியில் வெள்ளி, வெண்கலம் பெற்ற வீரர்களுக்கு பரிசுகள் குவிந்து வந்த நிலையில், தங்கம் வென்றும் அவ்வளவாக கண்டுகொள்ளப்படாத நபராக மாரியப்பன் இருந்தார். இருப்பினும் பதக்கம் வாங்கிய உடன் பாராட்டிய நபர் சேவக். தற்போது அவரின் ஏழ்மை குறித்த பின்புலம் தெரிந்த பின் மீண்டும் அது குறித்து தன் டுவீட்டரில் பதிவிட்டுள்ளார்.

சேவக் டுவீட்டரில் தெரிவித்துள்ளதாவது:

மாரியப்பனின் சிறுவயதில் அவரது தந்தை கைவிட்டு சென்ற நிலையில், தாய் சரோஜா காய்கறி விற்பனை செய்து மாரியப்பனை வளர்த்து வந்துள்ளார். மிகவும் ஏழ்மையான சூழலில், அவரது தாய் மற்றும் மாரியப்பன் சிறுவயதிலிருந்து சிறு சிறு வேலைகளை பார்த்ததோடு, கடுமையான பயிற்சியை எடுத்து நாட்டிற்காக தங்கப்பதக்கம் வென்று பெருமை தேடி தந்திருக்கின்றார்.என மாரியப்பன் குறித்து பாராட்டியுள்ளார்.