Mar 13

கருணாநிதி பணம் பெற்ற தகவலை போட்டுடைத்தார் சாமி

சென்னையில் செய்தியாளர்களிடம் பேசிய பாரதீய ஜனதா கட்சியின்  மூத்த தலைவர் சுப்பிரமணியசாமி கச்சத்தீவை தாரை வார்க்க கருணாநிதிக்கு இந்திராகாந்தி பணம் வழங்கினார் என குற்றம் சாட்டியுள்ளார். 

இலங்கை கடற்பகுதியில், தமிழக மீனவர்கள் 3 ஆண்டுகளுக்கு மீன் பிடிக்க, மத்திய அரசு ஒப்பந்தம்செய்ய வேண்டும் என்று சுப்பிரமணியசாமி வலியுறுத்தியுள்ளார்.

இந்திய மீனவர்கள் மீது இலங்கை கடற்படை அவ்வபோது தாக்குதல் நடத்துகிறது. மீனவர்கள் கைது செய்யப்படுவதும், படகுகள் கைப்பற்றப்படுவதும் தொடர் கதையாகி உள்ளது. 

இலங்கை கடற்படையால் இராமேஸ்வரம் மீனவர் பிரிட்ஜோ சுட்டுக் கொல்லப்பட்டார். இதனையடுத்து தமிழகத்தில் போராட்டம் வெடித்தது. கச்சத்தீவை மீட்க வேண்டும் என்ற கோரிக்கையானது மீண்டும் வலுத்தது,

அரசியல் கட்சிகள் ஒருவரை, ஒருவர் குற்றம் சாட்ட ஆரம்பித்துள்ளமை குறிப்பிடத்தக்கது.