May 28

"சூப்பர் ஸ்டாரிடம் ஒழுக்கத்தைக் கற்றுக் கொண்டேன்": எமி ஜாக்சன் புகழாரம்..!

சூப்பர் ஸ்டார் ரஜினிகாந்திடம் பொறுமையையும், ஒழுக்கத்தையும் கற்றுக் கொண்டதாக நடிகை எமி ஜாக்சன் தெரிவித்துள்ளார்.

இயக்குநர் ஷங்கர் இயக்கத்தில் ’ஐ’ படத்தை தொடர்ந்து, தற்போது சூப்பர் ஸ்டாருடன் ’2.0’ படத்தில் எமி ஜாக்சன் நடித்து வருகிறார். இந்நிலையில் சூப்பர் ஸ்டாருடன் இணைந்து நடித்ததில் கிடைத்த அனுபவங்களை எமி ஜாக்சன் பகிர்ந்து கொண்டுள்ளார் .

“2.0 படத்தின் படப்பிடிப்பின் போது ரஜினி சாருடன் நிறைய நேரம் செலவிட முடிந்தது. இந்த நேரங்களில் அவரிடமிருந்து நிறைய கற்றுக் கொண்டேன். அவர் என்னை தன்னுடைய மகள் போல பார்த்துக் கொண்டார். அவரிடமும் இருந்து வாழ்க்கையில் எப்படி பொறுமையாகவும், ஒழுக்கமாகவும் இருக்க வேண்டும் என கற்றுக் கொண்டேன்.

அவரிடம் கற்றுக் கொள்வதற்கு இன்னும் எவ்வளவோ விஷயங்கள் இருக்கின்றன. அதனால் அவரிடம் இருக்கும் ஒவ்வொரு நிமிடமும், புதிய விஷயங்களை கற்றுக் கொண்டு வருகிறேன். ” என எமி ஜாக்சன் ரஜினியை புகழ்ந்து தள்ளியுள்ளார்.

400 கோடி ரூபாய் செலவில் உருவாகி வரும் 2.0 படம், தமிழ் சினிமாவில் அதிக பட்ஜெட்டில் எடுக்கப்படும் படம் என்ற பெருமையை பெற்றுள்ளது. படப்பிடிப்பு முடிவடைந்த நிலையில், தற்போது படத்தின் இறுதிக்கட்ட பணிகள் மும்முரமாக நடைபெற்று வருகின்றன. இந்த படம் அடுத்த ஆண்டு பொங்கலுக்கு வெளியிட திட்டமிடப்பட்டுள்ளது.