May 27

சமந்தா! 'மாமா'ன்னு கூப்பிடு!: நாகர்ஜுனா அன்புக் கட்டளை

நடிகை சமந்தாவின் மாமாவாக இருப்பதில் சந்தோஷப்படுவதாக நடிகர் நாகார்ஜுனா கூறியுள்ளார்.

நாகசைதன்யா - ராகுல் பிரீத்தி சிங் நடித்துள்ள ‘ராரண்டோய் வேதுகா சுதம்’ பட அறிமுக விழா ஹைதராபாத்தில் நடந்தது. நாகர்ஜுனா தயாரிப்பில் இப்படம் உருவாகிறது. அறிமுக நிகழ்வில் பங்கேற்றுப் பேசிய நாகார்ஜுனா படத்திற்கு அப்பாலும் பேசினார்.“நாகசைதன்யாவுக்கு இப்போதெல்லாம் எப்போதும் ஒரே சிரிப்புதான்.

சமந்தாவை கல்யாணம் செய்துகொள்ளப்போவதால் இருக்கலாம். சமந்தாவை எங்கள் குடும்பப் பெண்ணாக ஏற்றுக்கொண்டிருக்கிறோம். இதுவரை என்னை ‘சார்…’ என்று அழைத்த சமந்தா, இனிமேல் ‘மாமா…’ என்றுதான் என்னைக் கூப்பிட வேண்டும் என்று சொல்லிவிட்டேன்.

தெலுங்கில், ‘மாமய்யா’ என்றால் வயதானதாகத் தோன்றும். அதனால், தமிழிலேயே ‘மாமா’ என்று கூப்பிட வேண்டும் சொல்லிவிட்டேன். என்னை சமந்தா மாமா என்று அழைப்பதில எனக்கு ரொம்ப சந்தோஷம்”. என்று நாகார்ஜுனா பேசினார்.