May 27

முதல்முறையாக ஆப்பிள் முன்பாக தலைகுனியும் ஆண்ட்ராய்டு!

பாதுகாப்பான ஸ்மார்ட்ஃபோன் பயன்பாட்டை வழங்குவதில், ஆப்பிள் நிறுவனத்திடம், ஆண்ட்ராய்டு முதல்முறையாக தோல்வியை சந்திக்கும் நிலை ஏற்பட்டுள்ளது.

சமீபத்தில் சீனாவில் இருந்து வெளியிடப்பட்ட புள்ளிவிவரம் ஒன்றில், உலக அளவில் பெரும்பாலான ஸ்மார்ட்ஃபோன் பயன்பாட்டு மென்பொருட்கள், கூகுளின் தயாரிப்புகளாக உள்ளதாகக் கூறப்பட்டிருந்தது. குறிப்பாக, அவை ஆண்ட்ராய்டு மென்பொருளில் இயங்கக்கூடியவை ஆகும்.உலக அளவில், 99.9 சதவீத ஸ்மார்ட்ஃபோன்கள், ஆண்ட்ராய்டு பயன்பாட்டை கொண்டுள்ளதாகவும் அதில் கூறப்பட்டிருந்தது. இந்நிலையில், ஸ்மார்ட்ஃபோன் பயன்பாட்டு மென்பொருளில் பாதுகாப்பானது எது என்ற ஆய்வும் நடத்தப்பட்டது.

அதில், ஆண்ட்ராய்டு மென்பொருளில் அதிகளவு வைரஸ் பாதிப்பு ஏற்படுவதாகவும், அதேசமயம் ஆப்பிள் மென்பொருளில் வைரஸ் பாதிப்பு பெருமளவு நிகழ்வதில்லை எனவும் தெரியவந்துள்ளது.

பிக்சல் போன்ற வடிவமைப்புகள், ஆண்ட்ராய்டு தொழில்நுட்ப சேவையில் உள்ள மிகப்பெரிய குறையாகக் கூறப்படுகிறது. வாடிக்கையாளர் பயன்பாட்டுக்கு விடப்படும் முன்பாக, இவற்றை தெளிவாக பரிசோதிக்க வேண்டிய கட்டாயம் கூகுளுக்கு ஏற்பட்டுள்ளது.

அதேசமயம், புதிய ஐஓஎஸ் 10 பயன்பாட்டு மென்பொருள், சிறப்பான பாதுகாப்பு அம்சங்களை கொண்டுள்ளதாகவும், அதன் வாடிக்கையாளர்களுக்கு வைரஸ் தாக்குதலில் இருந்து காப்பாற்றும் அம்சங்களை வழங்குவதாகவும் இந்த ஆய்வின் முடிவுகள் குறிப்பிடுகின்றன.