Mar 13

ஆயிரம் வைரக்கற்களில் 'ரோல்ஸ்-ரோய்ஸ் கோஸ்ட்'

உலகின் மிக மதிப்பும் விலையும் உயர்ந்த ரக காரான ரோல்ஸ் ரோய்ஸ் காரின் புதிய ஆயிரம் வைரக்கற்களால் மேலும் மெருகேற்றப்பட்ட 'ரோல்ஸ்-ரோய்ஸ் கோஸ்ட்' அறிமுகப்படுத்தப்பட்டுள்ளது.

 பிரித்தானியாவிலுள்ள கார் தயாரிப்பு நிறுவனம், ஜெனீவா வாகனக் கண்காட்சியில் இந்த  'ரோல்ஸ்-ரோய்ஸ் கோஸ்ட்' காரை பார்வையாளர்களை தன்பக்கம் ஈர்க்கும் வகையில் காட்சிப்படுத்தியுள்ளது.

 இதில் ஆயிரம் வைரக்கற்களைத் துகள்களாக்கி அதிலிருந்து உருவாக்கப்பட்ட வண்ணம் காரின் வெளிப்புறத்தில் பூசப்பட்டுள்ளது. 

அத்துடன் காரின் உள்ளே குட்டிக் குறும்பாடுகளிலிருந்து பெறப்படும் கறுப்பு வண்ணக் கம்பளி விரிப்பு, சாம்பல் நிறத் தோலில் செய்யப்பட்ட இருக்கைகள், ஓக் மரத்தில் செய்யப்பட்ட கடிகாரம் என இன்னும் பல வேலைப்பாடுகள் செய்யப்பட்டுள்ளது.

 இந்த 'ரோல்ஸ்-ரோய்ஸ் கோஸ்ட்' தனிப்பட்ட ஒருவரின் தேவைக்கேற்ப, வைர முலாம் பூசப்பட்டு வடிவமைக்கப்பட்டுள்ளமை குறிப்பிடத்தக்கது.