May 26

தோனிக்கு ஒரு நியாயம், எனக்கு ஒரு நியாயமா? : பொங்கும் ஹர்பஜன்

சரியாக பேட்டிங் செய்யாத தோனிக்கு கிடைக்கும் சலுகைகள் கூட நாங்கள் சரியாக செயல்பட்டும் கிடைக்கவில்லை என சுழற்பந்துவீச்சாளர் ஹர்பஜன் சிங் ஆதங்கம் தெரிவித்துள்ளார்.

இந்திய சீனியர் சுழற்பந்துவீச்சாளர் ஹர்பஜன் சிங் ஒரு காலகட்டத்தில் எதிரணி பேட்ஸ்மேனுக்கு மிக சிரமமான பவுலராக திகழ்ந்தார். ஆஸ்திரேலியாவுக்கு எதிரான கொல்கத்தா டெஸ்ட் வெற்றியில் டிராவிட், லக்‌ஷ்மணன் மட்டுமில்லாமல் ஹர்பஜனுக்கும் முக்கிய பங்கு இருந்தது.தற்போது நடந்த ஐபிஎல் போட்டியிலும் அவரது பந்துவீச்சு அருமையாக இருந்தது. அவர் ஓவருக்கு வெறும் 6.48 ரன்கள் தான் அவர் விட்டு கொடுத்து அசத்தியிருந்தார். இப்படியிருக்க தற்போது தோனி மீதான கோபம் வெளிப்படையாகியுள்ளது.

ஹர்பஜன் கூறியுள்ளதாவது:

தோனி மிகச்சிறந்த கேப்டன் என்பதையும், அவர் போட்டியில் தோல்வி முகத்தை மாற்றக்கூடியவர். அதோடு இக்கட்டான சூழலில் இந்திய பவுலர்கள் அருகில் அவர் இருந்தால், அவர்களின் மன அழுத்ததை குறைப்பார். எதிரிகளுக்கு நெருக்கடி கொடுப்பார். இதெல்லாம் மறுப்பதற்கில்லை.

இருப்பினும் தோனியின் தற்போதைய பேட்டிங் அவ்வளவாக சரியில்லை என்பது அனைவருக்கும் தெரியும். இருப்பினும் அவருக்கு அளிக்கப்படும் வாய்ப்புகளும், சலுகைகளும் என்னை போன்ற சில வீரர்களுக்கு வழங்கப்படுவதில்லை.

19 ஆண்டுகளாக நானும் கிரிக்கெட்டில் உள்ளேன். இந்திய அணிக்காக விளையாடியுள்ளேன். ஆனால் தோனிக்கு தரப்படும் கெளரவம் எங்களுக்கு தரப்படுவதில்லை. என தன் ஆதங்கத்தை வெளிப்படுத்தியுள்ளார் ஹர்பஜன் சிங்.