Jun 05

பிரான்ஸில், ஆரம்ப பள்ளி மாணவர்களுக்கும் இனி சீருடை!

Seine-et-Marne பகுதியிலுள்ள 6 ஆரம்ப பாடசாலைகள் மாணவர்களுக்கான பள்ளி சீருடையை அறிமுகப்படுத்த ஒரு வாக்கெடுப்பு நடத்தினர். கிட்டத்தட்ட மூன்றில் இரண்டு பங்கு பெற்றோர்கள் அதற்கு ஆதரவு தெரிவித்தனர்.

இவ் வாக்கெடுப்பு கடந்த சனிக்கிழமை, ஜூன் 2 ம் தேதி நடந்தது. 62 சதவீதத்திற்கும் அதிகமான பெற்றோர் இப்பரிந்துரைக்கு ஆதரவாக வாக்களித்தனர். ஆனால் சில பெற்றோர்கள் இந்த முடிவுக்கு எதிர்ப்பை வெளியிட்டுள்ளனர்.

எதிர்வரும் நவம்பர் மாதம் முதல் அதாவது Toussaint விடுமுறைக்கு பிறகு Provins நகரத்திலுள்ள பள்ளி குழந்தைகள் புதிய சீருடையை அணிய வேண்டும் என தெரிவிக்கப்பட்டுள்ளது. பள்ளி குழந்தைகள் polo shirt, sweatshirt மற்றும் “sweater” அணிய வேண்டும். பள்ளி சிறுமிகள் விரும்பினால் பாவாடை அணியலாம்.

மேலும், பள்ளி சீருடை அணிவதன் மூலம் மாணவர்களிடையே சமத்துவம் மற்றும் ஒழுக்கத்தை பேண முடியும் என நம்பப்படுவதாக கூறப்படுகிறது. அத்துடன், இந்த நடவடிக்கை மற்ற ஆரம்ப பள்ளிகளிலும் விரைவில் அறிமுகப்படுத்தப்படும்.