Jun 01

பிரான்ஸிற்கான விசாவினை எளிதில் பெற்றுக்கொள்ள வாய்ப்பு!

இலங்கையிலிருந்து பிரான்ஸிற்கு சுற்றுலா செல்ல விசாவிற்கு விண்ணப்பிப்பவர்கள் 3 நாட்களில் விசாவினை பெற்று கொள்ள நடவடிக்கை எடுத்துக்கொண்டிருப்பதாக இலங்கை மற்றும் மாலைதீவுக்கான பிரான்ஸ் தூதுவர் ஜீன் மரின் தெரிவித்தார்.

எதிர்வரும் ஜூன் மாதம் 14 ஆம் திகதி முதல் ஜூலை 14 ஆம் திகதி வரை, பிரான்ஸ் நாட்டின் கலாசாரம் மற்றும் நவீனத்துவம் ஆகியவற்றை உள்ளடக்கிய பிரெஞ் வசந்த காலத்தின் 7 ஆவது ஆண்டு நிகழ்வு கொழும்பு மற்றும் கண்டியில் இடம்பெறவுள்ளது. இது தொடர்பான ஊடகவியலாளர் மாநாடு நேற்று கொழும்பு Hilton ஹோட்டலில் இடம்பெற்றது.

இதன்போது இலங்கை மற்றும் மாலைதீவுக்கான பிரான்ஸ் தூதுவர் ஜீன் மரின் ‘பிரான்ஸிற்கான சுற்றுலா விசாவினை 3 நாட்களில் பெற்றுக் கொள்ள முடியும் என தெரிவித்தார். அத்துடன், பிரெஞ் வசந்தகாலத்தின் 7 ஆவது நிகழ்வில் இளைஞர்களை எதிர்பார்ப்பதாகவும் தெரிவித்தார்.

கடந்தவருடத்தில் மாத்திரம் 10,000 இலங்கை சுற்றுலாப்பயணிகள் பிரான்ஸ் நாட்டுக்கு சென்றுள்ளனர் என அவர் மேலும் தெரிவித்தார்.