May 26

வெளியேற்றிய பல்கலைக்கழகத்திலேயே டாக்டர் பட்டம் பெற்ற ஃபேஸ்புக் ஓனர்!

ஃபேஸ்புக், வாட்ஸ்அப், இன்ஸ்டாகிராம் ஆகியவற்றிற்கு சொந்தக்காரரான மார்க் ஸூக்கர்பெர்க் தன்னை கல்லூரியில் இருந்து வெளியேற்றிய ஹாவர்டு பல்கலைக்கழகத்தின் கௌரவ டாக்டர் பட்டம் பெற்றுள்ளார்.

உலகின் 5வது பணக்காரரான ஃபேஸ்புக் நிறுவனர் மார்க் ஸூக்கர்பெர்க், 2004ஆம் ஆண்டு பேஸ்புக் ஆராய்ச்சியில் ஈடுபட்டு இருந்ததால் ஹாவர்டு பல்கலைக்கழகத்தில் இருந்து வெளியேற்றப்பட்டார். ஆனால் சுமார் 13 ஆண்டுகளுக்கு பிறகு அதே பல்கலைக்கழகம் சட்டத்துறைக்கான கௌரவ டாக்டர் பட்டத்தை அவருக்கு வழங்கி கௌரவித்துள்ளது.

முதன்முதலில் பேஸ்புக் தொடங்குவதற்கு செய்யப்பட்ட திட்டங்கள் குறித்து மாணவர்களிடம் மார்க் பேசினார். மேலும் மலரும் நினைவுகளாக பல்கலைக்கழகத்தை பார்த்த ஸூக்கப்பெர்க் அங்கு புகைப்படங்களையும் எடுத்துக்கொண்டார்!