May 26

இன்று வெளியாகிறது " சச்சின் எ பில்லியன் ட்ரீம்ஸ்" திரைப்படம்

சச்சின் நடித்து அவரது கதையை கருவாக வைத்து எடுக்கப்பட்டுள்ள "சச்சின் எ பில்லியன் ட்ரீம்ஸ்" படம் இன்று வெளியாகிறது

கிரிக்கெட் கடவுள் என்று வர்ணிக்கப்படும் சச்சின் டெண்டுல்கர் நடித்துள்ள திரைப்படம் “சச்சின் எ பில்லியன் ட்ரீம்ஸ்” . இந்தப்படத்தை ஜேம்ஸ் எர்ஸ்கைன் இயக்க, ஏ.ஆர்.ரஹ்மான் இசை அமைத்துள்ளார்.

விளையாட்டு களத்தில் நாம் பார்த்த சச்சின் பற்றிய சுவாரஸ்ய தகவல்கள், அவர் கிரிக்கெட் விளையாடிய போது நிகழந்த சம்பவங்கள் என்று இந்த திரைப்படம் எடுக்கப்பட்டுள்ளதால் படத்திற்கு எதிர்பார்ப்பு எகிறியுள்ளது.

இந்த திரைப்படம் இந்தியா முழுவதும் இன்று வெளியாகிறது.இந்நிலையில் இந்தப்படத்திற்கு ஒடிஷா மகாராஷ்டிரா, ஜார்கண்ட் உள்ளிட்ட மாநிலங்கள் வரிவிலக்கு அளித்துள்ளனர். கிரிக்கெட் கடவுளை வெள்ளி திரையில் பார்பதற்காக அவரது ரசிகர்கள் ஆர்வத்துடன் உள்ளனர்.