May 24

லெனோவோ இசட்5 கேமரா அம்சங்கள்

லெனோவோ நிறுவனத்தின் ஃபிளாக்ஷிப் இசட்5 ஸ்மார்ட்போனின் புதிய டீசர் வெளியிடப்பட்டுள்ளது. இதில் ஸ்மார்ட்போனின் கேமரா அம்சங்கள் சார்ந்த விவரங்கள் தெரியவந்துள்ளது.லெனோவோ நிறுவனத்தின் இசட்5 ஸ்மார்ட்போன் புதிய டீசரை அந்நிறுவன தலைமை செயல் அதிகாரி சாங் செங் வெளியிட்டிருக்கிறார். சீன சமூக வலைத்தளமான வெய்போவில் லெனோவோ இசட்5 ஸ்மார்ட்போனின் கேமராவில் எடுக்கப்பட்ட புகைப்படம் பதிவிடப்பட்டுள்ளது.

முன்னதாக லெனோவோ பதிவிட்ட போஸ்டரில் இசட்5 ஃபிளாக்ஷிப் ஸ்மார்ட்போனின் பேட்டரி குறித்த தகவல் இடம்பெற்றிருந்தது. அதன்படி லெனோவோ இசட்5 ஸ்மார்ட்போனின் பேட்டரி 45 நாட்கள் பேட்டரி பேக்கப் கொண்டிருக்கும் என தெரியவந்தது. கடந்த சில நாட்களாக லெனோவோ ஃபிளாக்ஷிப் ஸ்மார்ட்போனின் டீசர்கள் வெளியாகி வருகின்றன.

பேட்டரி பேக்கப் அம்சத்தை தொடர்ந்து புதிய ஃபிளாக்ஷிப் ஸ்மார்ட்போனின் கேமரா சார்ந்த விவரங்கள் வெளியாகியுள்ளது. லெனோவோ நிறுவன தலைமை செயல் அதிகாரியின் சமீபத்திய புகைப்படத்தை வைத்து பார்க்கும் போது லெனோவோ இசட்5 ஸ்மார்ட்போனில் டூயல் பிரைமரி கேமரா, போர்டிரெயிட் மோட் உள்ளிட்ட பல்வேறு கேமரா அம்சங்களை கொண்டிருக்கும் என எதிர்பார்க்கப்படுகிறது.லெனோவோ இசட்5 மூலம் எடுக்கப்பட்ட புகைப்படத்தில் ஏஐ (AI) டூயல் கேமரா என்ற வார்த்தை இடம்பெற்றுள்ளது.

அதன்படி இ:ட்5 ஸ்மார்ட்போனில் செயற்கை நுண்ணறிவு சார்ந்த அம்சங்களை கொண்டிருப்பது தெரியவந்துள்ளது. டூயல் பிரைமரி கேமராவுடன் செயற்கை நுண்ணறிவு தொழில்நுட்பமும் இருப்பதால் புகைப்படங்களை அதிக தெளிவாக படமாக்க முடியும்.

2018-ம் ஆண்டில் இதுவரை வெளியாகி இருக்கும் பெரும்பாலான மொபைல் போன்களில் செயற்கை நுண்ணறிவு தொழில்நுட்பம் அதிக முக்கியத்துவம் வழங்கப்படும் நிலையில், புதிய ஸ்மார்ட்போனிலும் இந்த தொழில்நுட்பம் சார்ந்த அம்சங்கள் வாடிக்கையாளர்களுக்கு பயனுள்ளதாக இருப்பதோடு வித்தியாச அனுபவத்தை வழங்கும் என எதிர்பார்க்கப்படுகிறது.

இதுவரை வெளியாகி இருக்கும் தகவல்களில் லெனோவோ இசட்5 ஸ்மார்ட்போன் 100 சதவிகத ஸ்கிரீன் டு பாடி ரேஷியோ கொண்டிருக்கும் என கூறப்படுகிறது.