May 22

நொடிகளில் விற்றுத் தீர்ந்த Nokia x6 மொபைல் போன்!

நோக்கியா நிறுவனம் புதிதாக அறிமுகப்படுத்தியுள்ள நோக்கியா X6 மொபைல் போன், சீனாவில் சில நொடிகளிலேயே விற்றுத் தீர்ந்ததாக தகவல் வெளியாகி உள்ளது. 

நோக்கியா புதியதாக, நோக்கியா X6 என்ற ஆண்ட்ராய்டு ஸ்மார்ட் போனை அறிமுகம் செய்துள்ளது. 5.6 இன்ச் அகலம் கொண்ட இந்த ஸ்மார்ட் போனானது, 2280x1080 பிக்சல் Resolutioum, FHD+ டச் ஸ்கிரீனையும் கொண்டுள்ளது. 

மேலும், இந்த போன் ஸ்னாப்டிராகன் 636 புராசசர், 4ஜிபி ரேம், 32 ஜிபி அல்லது 64 ஜிபி உள்ளக நினைவகத்தையும் கொண்டுள்ளது. இதுதவிர போனில் 16 மெகா பிக்சல் பின்பக்க கேமராவும், 5 மெகா பிக்சல் முன்பக்க கேமராவும் உள்ளன. 

இந்நிலையில், இந்த போனானது சீனாவில் விற்பனைக்கு வந்த, 10 நொடிகளிலேயே முற்றிலுமாக விற்றுத்தீர்ந்துள்ளது. இதை நோக்கியாவும் தனது ட்விட்டர் பக்கத்தில் பகிர்ந்துள்ளது. இதுவரையில், எத்தனை போன்கள் விற்கப்பட்டுள்ளன என்ற தகவல் இன்னும் வெளியாகவில்லை என்பது குறிப்பிடத்தக்கது.