May 25

சாம்பியன்ஸ் டிராபிக்காக கையில பல புது வித்தைகள் வச்சுருக்கேன் : அஸ்வின்

சாம்பியன்ஸ் டிராபி போட்டியில் புதுவித பவுலிங் வீச தயாராக இருக்கின்றேன் என இந்திய சுழல் பந்துவீச்சாளர் ரவிச்சந்திரன் அஸ்வின் தெரிவித்துள்ளார்.

அண்மையில் இந்தியாவில் தொடர்ந்து நடந்த 13 டெஸ்ட் போட்டிகளுக்கு பின்னர் இந்திய அணி இங்கிலாந்தில் நடக்கும் சாம்பியன்ஸ் டிராபி போட்டிக்காக செல்ல உள்ளது. டெஸ்ட் போட்டிகளுக்கு பின்னர் இந்த ஐபிஎல் போட்டியில் இருந்து விலகி ஓய்வெடுப்பதாக தெரிவித்தார்.இதனால் அஸ்வினுக்கு கிடைத்த 2 மாத ஓய்வில், தன் பவுலிங்கில் சில புதுவித வித்தைகளை புகுத்துவதற்கான பயிற்சியில் ஈடுபட்டதாக தெரிவித்துள்ளார்.

அஸ்வின் கூறும்போது, “எனக்கு இந்த ஓய்வு சிறப்பாக அமைந்துள்ளது. சாம்பியன்ஸ் டிராபி போட்டியில் இந்திய அணிக்காக சிறப்பாக செயல்பட சில புது வித பவுலிங் செய்ய பயிற்சி செய்துள்ளேன். இது நம் அணிக்கு சாதகமாக இருக்கும் என நம்புகின்றேன்.

ஐபிஎல் போட்டி மூலம் இந்திய அணி பல புது இளம் வீரர்களை உருவாக்குவதாக மற்ற நாட்டு அணியினர் நினைக்கின்றனர். அது உண்மை தான் ஐபிஎல் போட்டியில் ஜொலிக்கும் இளம் வீரர்கள் சர்வதேச போட்டிக்கு வாய்ப்பு கிடைத்து அங்கும் ஜொலித்தால் அவர்களின் வாய்ப்பு தொடரும்.” என தெரிவித்துள்ளார்.