May 25

சமோசா விற்பவரின் மகன் JEE தேர்வில் இந்திய அளவில் 6வது ரேங்க் பிடித்து சாதனை!

JEE எனப்படும் ஒருங்கிணைந்த நுழைவுத் தேர்வில், ஐதராபாத்தைச் சேர்ந்த சமோசா விற்பவர் மகன், இந்திய அளவில் 6வது ரேங்க் பிடித்து, சாதனை படைத்துள்ளான்.

நாட்டில் உள்ள பொறியியல் மற்றும் ஐஐடி கல்வி நிறுவனங்களில் படிப்பதற்காக, இந்திய அளவில் #JEE நுழைவுத் தேர்வு ஆண்டுதோறும் நடத்தப்படுகிறது. இதில், பெரும் பணக்கார வீட்டுப் பிள்ளைகள் அதிக அளவில் ரேங்க் வாங்கிவரும் சூழலில், ஐதராபாத்தைச் சேர்ந்த சமோசா விற்பனையாளர் ஒருவரின் மகன், இதில், 6வது ரேங்க் பிடித்துள்ளான்.வபிரிசெட்டி மோகன் அபியாஸ் என்ற அந்த மாணவன், மொத்த மதிப்பெண்களான 360க்கு, 345 எடுத்து, தேர்ச்சி பெற்றுள்ளான்.

மிகவும் கஷ்டப்பட்டு, கடும் சிரமத்துடன் படித்தே இந்த மதிப்பெண்கள் வாங்கியுள்ளதாக, மாணவன் மோகன் அபியாஸ் மகிழ்ச்சியுடன் கூறியுள்ளான்.

முன்னணி ஐஐடி கல்வி நிறுவனத்தில் சேர்ந்து, மிகத் திறமையான பொறியியல் ஆராய்ச்சியாளராக வரவேண்டும் என்று, மாணவன் அபியாஸ் விருப்பம் தெரிவித்துள்ளான். அத்துடன், சமோசா விற்றே, தன்னை இந்த அளவுக்கு உயர்த்திய பெற்றோர் சுப்பராவ், சூர்யகலாவுக்கு என்றென்றும் நன்றிக்கடன் பட்டுள்ளதாகவும், மாணவன் நெகிழ்ச்சிபட குறிப்பிடுகிறான்…


இந்த மாணவனின் கனவு நிறைவேற வாழ்த்துவோம்…