May 25

தன் நடனத்தால் சிம்புவை கவர்ந்த சந்தானம்!

சக்க போடு போடு ராஜா படத்தில் நடிகர் சந்தானம் ஆடிய நடனம் சிம்புவை வெகுவாக கவர்ந்துள்ளதாம்.

சந்தானம் மற்றும் வைபவி சன்டில்யா நடித்து வரும் சக்க போடு போடு ராஜா படத்திற்கு நடிகர் சிம்பு இசை அமைக்கிறார் என்று ஏற்கனவே தெரிந்தது தான். ஜியார்ஜியாவில் இரண்டு பாடல்களை ஷூட் செய்த பிறகு படக்குழுவினர் நாடு திரும்பியுள்ளனர். படமாக்கப்பட்ட இரண்டு பாடல்களுக்கும் நடிகர் சந்தானம் சிறப்பாக டான்ஸ் ஆடியிருப்பதாகவும், நடன அசைவுகள் நடிகர் சிம்புவுக்கு மிகவும் பிடித்துவிட்டதாக தயாரிப்பாளர் – நடிகர் விடிவி கணேஷ் கூறியுள்ளார்.

டான்ஸ் மாஸ்டர் சதீஷ் கற்றுத்தர சிம்பு கம்போஸ் செய்த இரண்டு பாடல்களுக்கு சந்தானம் சிறப்பாக ஆடியுள்ளார். இரண்டு மாதங்கள் நேரம் எடுத்து சிம்பு இசை அமைத்த இரண்டு பாடல்களின் படப்பிடிப்பு வீடியோவை அவரிடம் காட்டினோம். அவர் சந்தானத்தை வெகுவாக பாராட்டினார் என்று கணேஷ் கூறியுள்ளார்.

உனக்காக எனும் பாடலை இசை அமைப்பாளர் லியோன் ஜேம்ஸ் பாடியிருக்கிறார். சிறு சிறு பொழுதில் எனும் மற்றொரு பாடலை பிரபல பாடகர் உன்னி கிருஷ்ணனின் 16 வயது மகன் வாசுதேவ் கிருஷ்ணனும், கீர்த்தனா எனும் புதிய பாடகியும் பாடியுள்ளனர்.

வாசுதேவ் கிருஷ்ணனை பாட வைப்பதில் சிம்பு மிகவும் உறுதியாக இருந்தார் என்றும், ஆரம்பத்தில் வாசுதேவ் சரியாக பாடாத போது, சிம்பு கடுமையாக பயிற்சி அளித்து சிறப்பாக பாடலை பாட வைத்தார் என்றும் கணேஷ் கூறியிருக்கிறார்.