May 12

400 ஆண்டுகளாக பிரசவம் பார்க்காத விசித்திர கிராமம்

மத்தியபிரதேச மாநிலத்தில் ஒரு விசித்திர கிராமத்தில் வாழும் மக்கள், சுமார் 400 ஆண்டுகளாக தங்களது கிராமத்தில் வைத்து கர்ப்பிணி பெண்களுக்கு பிரசவம் பார்க்காத சம்பவம் வியப்பை ஏற்படுத்தியுள்ளது. 

மத்தியப்பிரதேச மாநிலத்தில் உள்ளது ராஜ்கர்க் என்ற விசித்திர கிராமம். இந்த கிராமத்தில் வாழும் மக்கள், சுமார் 400 ஆண்டுகளாக தங்களது கிராமத்தில் வைத்து கர்ப்பிணி பெண்களுக்கு பிரசவம் பார்க்காத சம்பவம் சமீபத்தில் ஊடகங்களில் வெளியாகி பரபரப்பானது. 

ஆனால் கடவுளின் கோபத்தின் காரணமாகவே தங்களது கிராமத்தில் வைத்து பெண்களுக்கு பிரசவம் பார்க்கப்படுவதில்லை என்றும், மீறி பிரசவம் பார்த்தால் இரு உயிர்களுக்கும் ஆபத்து என்றும் கூறுகின்றனர் கிராம மக்கள்.

இந்த விநோத நடைமுறை குறித்து கிராமத்தினர் கூறுகையில், 16ஆம் நூற்றாண்டில் எங்கள் கிராமத்தில்கோயிலுக்கான கட்டுமானப் பணிகள் நடைப்பெற்றுள்ளது. அப்போது கிராமத்தை சேர்ந்த ஒரு பெண் கோதுமை அரைத்தாராம். இதன்காரணமாக கட்டுமானப் பணிகள் பாதிக்கப்பட்டுள்ளது. அந்தப்பெண்ணின் செயலால் கோபமடைந்த தெய்வம் கிராமத்திற்கு சாபம் விட்டது. 

400 ஆண்டுகளாக பிரசவம் பார்க்காத விசித்திர கிராமம்

இந்தச் சம்பவத்திற்கு பிறகு கிராமத்தில் பிறக்கும் எந்தக் குழந்தையும் தங்கவில்லை. ஒன்று இறந்து பிறக்கும் இல்லையென்றால் குறைபாடுகளுடன் குழந்தைகள் பிறந்துள்ளது. அதன் பின்னரே கடவுளின் சாபம் குறித்த விவரம் அறிந்த கிராமத்தினர் அன்று முதல் இன்று வரை இங்கு பிரசவம் பார்ப்பதில்லை என்கின்றனர்.

இந்த சம்பவம் குறித்து எழுத்துப்பூர்வமாக எந்த ஆதாரமும் இல்லையென்றாலும், தங்கள் முன்னோர்கள் பின்பற்றிய நடைமுறையை 400 ஆண்டுகளாக கிராம மக்கள் தொடர்ந்து பின்பற்றி வருகின்றனர். 

400 ஆண்டுகளாக பிரசவம் பார்க்காத விசித்திர கிராமம்

இந்த கிராமத்தில் உள்ளபெண்களுக்கு 90 சதவீதம் மருத்துவமனையில் பிரசவம் பார்க்கப்படுகிறது. மிகவும் சிரமமான நிலையில் பெண்களுக்கு கட்டாயம் பிரசவம் பார்க்கவேண்டிய சூழல் ஏற்பட்டால் அதற்காகவே கிராமத்திற்கு வெளியில் ஒரு கட்டிடத்தை எழுப்பியுள்ளனர். அவசர காலங்களில் இந்த கட்டிடத்தில் வைத்துதான் பிரசவம் பார்க்கப்படுகிறது.

வேறு வழியில்லாமல் அவசர காலத்தில் கிராமத்தில் பிரசவம் நடைபெற்றால் குழந்தை இறந்துவிடும். இல்லையென்றால் தாய்க்கு மரணம் நிகழ்ந்துவிடும். இதன்காரணமாகவே கிராம எல்லைக்கு அப்பால் கட்டிடத்தை எழுப்பியதாக கிராமத்தினர் கூறுகின்றனர்.