May 24

திருமணத்திற்காக மூன்று மாதம் ஓய்வெடுக்க சமந்தா முடிவு!

திருமணத்திற்கு முன்பு மூன்று மாதம் ஓய்வெடுக்க நடிகை சமந்தா முடிவு செய்துள்ளதாக கூறப்படுகிறது.

நடிகை சமந்தா தற்போது தமிழ், தெலுங்கு இரண்டு மொழிகளிலும் படங்களிலும் பிஸியாக நடித்து வருகிறார். இவருக்கும் தெலுங்கு நடிகர் நாக சைதன்யாவுக்கும் அக்டோபர் மாதம் ஐதராபாத்தில் திருமணம் நடைபெற இருக்கிறது. திருமணம் இந்து, கிறிஸ்துவ முறைப்படி நடைபெற உள்ளது.

அதனால், செப்டம்பர், அக்டோபர், நவம்பர் ஆகிய மாதங்களில் படப்பிடிப்பிற்கு ஓய்வு கொடுக்க முடிவெடுத்துள்ளதாக தகவல்கள் வெளியாகியுள்ளது.நடிகை சமந்தா திருமணத்திற்குப் பிறகும் நடிக்கும் முடிவில் இருக்கிறார். அவர் கைவசம் தற்போது தெலுங்கில் ஒரு படமும் மேலும் ராம்சரணுக்கு ஜோடியாக ஒரு படமும் உள்ளன. தமிழில் சாவித்திரியின் வாழ்க்கை வரலாறான ‘மகாநதி’, விஜய்யுடன் ஒரு படம், சிவகார்த்திகேயனுடன் ஒரு படம் ஆகியவை உள்ளன. ‘அநீதிக் கதைகள், இரும்புத் திரை’ ஆகிய படங்களில் நடித்துக் கொண்டிருக்கிறார். விஜய் படத்தில் நடிக்க அடுத்த மாதம் முதல் கால்ஷீட் கொடுத்துள்ளாராம்.

அதன் பின் செப்டம்பர் மாதத்திற்குள் அவர் சிவகார்த்திகேயன் படத்தில் நடிக்க வேண்டியுள்ளது. அதற்குள் ‘அநீதிக் கதைகள், இரும்புத் திரை’ ஆகிய படங்களை முடித்துவிடுவாரா என்பது சந்தேகமே. மூன்று மாதத்திற்குள் நான்கு தமிழ்ப் படங்களில் நடித்து முடிக்க வாய்ப்பில்லை. பிறகு எப்படி மூன்று மாதம் ஓய்வெடுக்க முடியும் என்கின்றனர் நம்பகத்தகுந்த வட்டாரத்தில்.