Mar 12

வாழ்வாதாரத்தை மீட்டுத்தர வேண்டும்; நெடுந்தீவு கடற்றொழிலாளர் கூட்டுறவுச் சங்கம்

சிறுதொழிலாளர்கள் தொழில் புரிந்துவரும் நெடுந்தீவை அண்மித்த கடற்பரப்பில் அழிவை ஏற்படுத்தும் இழுவை மடித்தொழிலை நிறுத்தி வாழ்வாதாரத்தை மீட்டுத்தர உரிய அதிகாரிகள் நடவடிக்கை எடுக்க வேண்டும் என நெடுந்தீவு கடற்றொழிலாளர் கூட்டுறவுச் சங்கங்களின் சமாசம் கோரிக்கை விடுத்துள்ளது.

தற்போது இந்திய இழுவைப்படகுகளின் அத்துமீறலானது ஓரளவு குறைவடைந்துள்ள நிலையில் யாழ்ப்பாணப் பிரதேசத்தைச் சேர்ந்த உள்ளூர் இழுவை மடிப்படகுகளின் அடாத்தான செயற்பாடானது மோசமடைந்து காணப்படுகின்றது.

 

இவ் இழுவைப்படகுகள் எமது சிறுதொழிலாளர்கள் தொழில்புரியும் கடற்பரப்பில் மாலை 5 மணி தொடக்கம் மறுநாள் காலை 7 மணி வரைக்கும் அடாத்தான முறையில் தொழிலில் ஈடுபட்டுவருகின்றனர்.

 

இது எமது மீனவ சமூகத்தின் வாழ்வாதாரத்தின் மீது மிகவும் மோசமான அழிவு தரும் விளைவை ஏற்படுத்தி வருகின்றது.

 


எனவே நெடுந்தீவு வாழ் ஒட்டு மொத்த மீனவர்களும் இணைந்து சிறு தொழிலாளர்கள் தொழில் புரிந்துவரும் நெடுந்தீவை அண்மித்த கடற்பரப்பில் அழிவை ஏற்படுத்தும் இவ் இழுவை மடித்தொழிலை நிறுத்தி எமது வாழ்வாதாரத்தை மீட்டுத்தர வேண்டும் எனும் கோரிக்கையினை முன்வைக்கின்றோம்.