May 23

உஷார்... ரான்சம்வேர் தொடர்ந்து கணினியை தாக்கும் மற்றொரு வைரஸ்

ரான்சம்வேர் வைரஸை விட பலமடங்கு சக்திவாய்ந்த "எட்டனலர் ராக்ஸ் வைரஸ்" கணினிகளை தாக்கி வருவதாக ஆய்வாளர்கள் தெரிவித்துள்ளனர்.

ரான்சம்வேர் வைரஸ் இணைய உலகை அதிரவைத்த கணிணி வைரஸ். கடந்த சில தினங்களாக உலக நாடுகளுக்கு பெரும் தலைவலியை ஏற்படுத்திய இந்த வைரஸ் மிகவும் வேகமாக இந்தியா முழுமைக்கும் பரவி வருவதாக தகவல்கள் வெளியாகியுள்ளது.இந்த வைரஸ் இதுவரை 150 நாடுகளில் உள்ள 2 லட்சம் கணிணிகளை முடக்கியுள்ளது. இதனால், பல்வேறு நாடுகளில் அரசின் சேவைகளும் பாதிப்புக்கு ஆளாகியுள்ளன.

இந்தநிலையில் ரான்சம்வேர் வைரஸை விட பலமடங்கு சக்திவாய்ந்த "எட்டனலர் ராக்ஸ் வைரஸ்" கணினிகளை தாக்கி வருவதாக ஆய்வாளர்கள் தெரிவித்துள்ளனர். இந்த வைரஸ் அமெரிக்காவின் உளவு அமைப்பான என்.ஐ.ஏ விடம் இருந்து திருடப்பட்ட தகவல்களை கொண்டு உருவாக்கப்பட்டது.

விண்டோஸ் கணினிகளில் உள்ள மென்பொருள் குறைப்பட்டின் மூலம் இந்த வைரஸ் எளிதாக பரவும் என்று கூறப்படுகிறது.