May 23

அரசியல் விமர்சனங்கள் தாண்டி, டானாக மாற மும்பை செல்கிறார் ரஜினி

அரசியலில் வருவாரா?, இல்லையா என சுற்றி வளைத்து சொல்லிய ரஜினி மீண்டும் தன் வேலையை பார்க்க மும்பைக்கு கிளமிபியுள்ளார்.

கபாலி இயக்குனர் ரஞ்சித் இயக்கத்தில், நடிகர் ரஜினிகாந்த் மீண்டும் இணைய உள்ள படத்திற்கான படப்பிடிப்பு மும்பை தாராவி பகுதியில் தொடங்க உள்ளது. இதற்காக நேற்று ரஜினி மற்றும் படக்குழுவினர் மும்பை சென்றுள்ளனர்.மிகவும் மக்கள் அடர்த்தியான பகுதியில் ரஜினியின் படப்பிடிப்பு நடக்க உள்ளது.

பலரும் செட் போட்டு எடுக்கலாம் என கூறியும், இயக்குனர் ரஞ்சித் பிடிவாதமாக அந்த பகுதியில் இயற்கையாக, உள்ளதை உள்ளபடியே எடுக்க விரும்புவதாக தெரிவித்து விட்டாராம்.

இப்படத்தின் பெரும்பகுதி மும்பை, தாராவி பகுதியில் படமாக்கப்படுவதாகவும், கிட்டத்தட்ட ஒரு மாதம், அதாவது அடுத்த மாதம் இறுதி வரை அங்கு படப்பிடிப்பு நடக்கும் என்றும், அப்பகுதி மக்களை சமாளிப்பது தான் பெரிய பிரச்னையாக இருக்கும் என தெரிவிக்கப்பட்டுள்ளது.