May 22

ஐபிஎல் போட்டியால், இந்திய பெண்கள் அணி வெற்றியை கொண்டாட மறந்த ரசிகர்கள்!

தென் ஆபிரிக்காவில் நடந்த 4 நாடுகள் பங்கேற்ற கிரிக்கெட் போட்டியில் இந்திய அணி சாம்பியன் பட்டம் வென்றுள்ளது.

இந்தியா, தென் ஆபிரிக்கா, ஜிம்பாப்வே, அயர்லாந்து அணிகள் பங்கேற்ற கிரிக்கெட் தொடர் நடந்தது. லீக் தொடரில் 5 வெற்றிகளுடன் இறுதிப்போட்டிக்கு இந்தியா மற்றும் தென் ஆப்ரிக்கா அணிகள் களம் கண்டன.இதில் டாஸ் வென்ற இந்திய அணி முதலில் பவுலிங் செய்ய தீர்மானித்தது. தொடர்ந்து களமிறங்கிய தென் ஆப்ரிக்கா அணி 40.2 ஓவரில் அனைத்து விக்கெட்டுகளையும் இழந்து 156 ரன்கள் எடுத்தது. தெ.ஆ கேப்ட்ன சுனி லூஸ் அதிகபட்சமாக 55 ரன்கள் அடித்தார்.

பின்னர் களமிறங்கிய இந்தியாவின் தொடக்க வீராங்கனை தீப்தி சர்மா 8 ரன்கள் மட்டும் எடுத்து ஏமாற்றினார். அடுத்து களமிறங்கிய மோனா மேஸ்ரம் 2 ரன்கள் மட்டும் எடுத்து வந்தவேகத்தில் திரும்பினார். மறுமுனையில் மற்றொரு தொடக்க வீரர் பூனம் ரவத் சிறப்பாக விளையாடிய 70 ரன்களும், கேப்டன் மிதலி ராஜ் 62 ரன்கள் குவிக்கவே இந்தியா 8 விக்கெட்டுகள் வித்தியாசத்தில் அபாரமாக வெற்றி பெற்று கோப்பையை கைப்பற்றியது.

நேற்று ஐபிஎல் இறுதிப் போட்டி நடந்ததால், இந்திய பெண்கள் அணி வெற்றி பெற்றது யாருக்கும் கண்டுகொள்ளாமல் விட்டுவிட்டனர்.