May 22

‘டாஸ்’ போடும் போதே நிர்ணயிக்கப்பட்டதா மும்பையின் வெற்றி : பைனலில் அதிர்ச்சி!

பத்தாவது ஐபிஎல்., பைனலில் மும்பை அணி, புனே அணியை 1 ரன் வித்தியாசத்தில் திரில் வெற்றி பெற்றது. ஆனால் இது ஏற்கனவே நிர்ணயிக்கப்பட்டது என தெரிகிறது.

இந்தியாவில் 10வது ஐபிஎல் கிரிக்கெட் தொடர் இன்றுடன் முடிவிற்கு வருகிறது. இதில் ’பிளே ஆப் சுற்றுகளுக்கு தகுதி பெற்ற ஐதராபாத், கொல்கத்தா அணிகளை விரட்டியடித்த மும்பை, புனே அணிகள் பைனலுக்கு முன்னேறின.

இதில் மும்பை அணி, 1 ரன் வித்தியாசத்தில் புனே அணியை வீழ்த்தி, ஐபிஎல் அரங்கில் மூன்றாவது முறையாக சாம்பியன் பட்டத்தை வென்று அசத்தியது. ஆனால் இந்த வெற்றி, இப்போட்டி துவங்கும் முன்னே நிர்ணயிக்கப்பட்டதாக தெரிகிறதுஇப்போட்டிக்காக பிரத்யேகமாக ‘டாஸ்’ காயின் தயாரிக்கப்பட்டிருந்தது.

அந்த காயின் முழுவதுமாக, மும்பை அணியின் ப்ளூ கலரில் இருந்தது. பத்தாவது ஐபிஎல் தொடரின் முதல் போட்டிக்காகவும் இதே போல டாஸ் காயின் தயாரிக்கப்பட்டிருந்தது. அதில் ஐதராபாத் அணியின் ஆரஞ்சு நிறத்தில் இருந்தது.

அப்போட்டியில் ஐதராபாத் அணி, வெற்றி பெற்றது. இந்த போட்டியில் மும்பை அணி வென்றது. முதல் போட்டியில் டாஸ் வென்ற ஐதராபாத் அணி, முதலில் பேட்டிங் தேர்வு செய்தது.

அதேபோல இப்போட்டியிலும் மும்பை அணி டாஸ் வென்று முதலில் பேட்டிங் தேர்வு செய்தது..அந்த போட்டியில் ஐதராபாத் அணி வென்றது. இப்போட்டியில் தோல்விவரை சென்ற மும்பை அணி, சர்க்கஸ், பல்டி எல்லாம் அடித்து 1 ரன் வித்தியாசத்தில் வெற்றி பெற்றது. ஆனால், இதே ஐதாராபாத் மைதானத்தில் நடந்த 48வதுலீக் போட்டியில் முதலில் பேட்டிங் செய்த மும்பை அணி, ஐதராபாத் அணியிடம் 7 விக்கெட் வித்தியாசத்தில் தோல்வியடைந்தது.

இதை வைத்து பார்க்கும் போது ஐபிஎல் தொடரின் எல்லா போட்டிகளும், கிட்டத்தட்ட தேவைக்கு ஏற்ப மாற்றிக்கொள்ளப்படுவதாக தெரிகிறது. குறிப்பாக முதல் மற்றும் பைனல் போட்டிகளின் முடிவுகளை ‘டாஸ்’ காயின் வைத்து கணிக்கப்படுகிறது.