May 21

கமல்ஹாசனுக்கு பிறகு உற்சாகத்தில் துள்ளிக்குதிக்கும் ஐஸ்வர்யா ராய்

உலகநாயகன் கமல்ஹாசனுக்கு அடுத்தபடியாக ஒரே குஷியில் இருக்கிறார் பாலிவுட் நடிகை ஐஸ்வர்யா ராய்.

முதன்முறையாக சின்னத்திரையில் உலக நாயகன் பிக் பாஸ் நிகழ்ச்சியை தொகுத்து வழங்கயிருக்கிறார். இதில் 100 நாட்கள் எந்தவித வெளியுலக தொடர்பு இல்லாமல் ஒரே வீட்டில் தங்கவைக்கப்படும் 15 நட்சத்திரங்களுக்கு போட்டிகள் நடத்தி அவர்களை கண்காணிக்கப்போகிறார். விஜய் தொலைக்காட்சி நடத்தும் இந்நிகழ்ச்சி வரும் ஜூன் 18ம் தேதி தொடங்கயிருக்கிறது.

இதற்காக சென்னை அருகேயுள்ள ஈபிவி தீம் பார்க்கில் வீடு ஒன்று தயாராகி உள்ளது.இந்நிலையில், உலகநாயகன் கமல்ஹாசனுக்கு அடுத்தபடியாக தற்போது பாலிவுட் நடிகை ஐஸ்வர்யா ராயும் பூரிப்பில் இருந்து வருகிறார். பாலிவுட்டில் தயாராகி வரும் கோடீஸ்வரன்(கௌன் பனேகா குரோர்பதி) நிகழ்ச்சியை தொகுத்து வழங்க ஐஸ்வர்யா ராயிடம் பேச்சுவார்த்தை நடத்தப்பட்டுள்ளது.

ஆனால், இதற்கு ஓகே சொன்னாரா? இல்லையா என்பது குறித்து இன்னும் எந்த தகவலும் வெளியாகவில்லை.

ஒருவேளை இதற்கு ஓகே சொன்னார் என்றால் முதன் முறையாக அவர் தொகுத்து வழங்கும் நிகழ்ச்சி இது தான். இதற்கு முன்னதாக பாலிவுட் ஸ்டார்ஸ் அமிதாப் பச்சன் மற்றும் ஷாருக்கான் ஆகியோர் இந்நிகழ்ச்சியை தொகுத்து வழங்கியுள்ளனர் என்பது குறிப்பிடத்தக்கது.