May 20

என்ன ஒரு அதிசயம் : இந்த கிராமத்தில் உள்ள அனைவரும் ஜனவரி 1ம் தேதி பிறந்தவர்களாம்!

உலகில் பல அதிசய நிகழ்வுகள் நடந்து வருகின்றன. ஆனால் அரசு அதிகாரிகளில் சில தவறுகளால் கிராம மக்களேயே அதிசயமாக பார்க்கும் நிலை உருவாகியுள்ளது.

உத்தர பிரதேசம் மாநிலம் அலகாபாத்தில் உள்ள கஞ்ஜசா கிராமத்தில் ஆதார் கார்டு வழங்கப்பட்டுள்ளது. இவர்களுக்கு வழங்கப்பட்டுள்ள ஆதார் கார்டில் கிராமத்தில் உள்ள ஒருவர், இருவருக்கு இல்லை, கிராமத்தில் உள்ள அனைவருக்கும் ஜனவரி 1ம் தேதி பிறந்த மாதிரி, பிறந்த தேதி அச்சிடப்பட்டுள்ளது.

இந்த கிராமத்தில் கிட்டத்தட்ட 10,000 மக்கள் வசிக்கின்றனர். பள்ளியில் மாணவர்களுக்கு ஆதார் கார்டு எண் அவசியம் என உத்தரவிடப்பட்ட நிலையில், அப்பகுதி அரசு பள்ளி ஆசிரியர், கிராமத்தில் உள்ள மாணவர்களில் ஆதார் எண்ணை பதிவு செய்ய வந்துள்ளார்.

அப்போது, அனைவரின் ஆதார் கார்டிலும் ஜனவரி மாதம் 1ம் தேதி பிறந்தது போல பிறந்த தேதி அச்சடிக்கப்பட்டிருப்பதை பார்த்து அதிர்ந்தார். இதையடுத்து இதுகுறித்து கிராம நிர்வாகியிடம் ஆசிரியை புகார் அளித்தார்.

கிராம நிர்வாகி கூறுகையில், “ஆதார் கார்டில் எப்படி பிழை ஏற்பட்டது என தெரியவில்லை. அனைவருக்கும் திருத்தப்பட்ட புதிய ஆதார் கார்டு வழங்கப்படும்.” என தெரிவித்தார்.