Mar 26

பூமி தட்டையாக உள்ளது என சொந்தமாக ராக்கெட் உருவாக்கி பறந்த விஞ்ஞானி - விளைவு இதுதான்

கலிபோர்னியா : பூமி வட்டம் கிடையாது தட்டையாக தான் இருக்கிறது என நிரூபிக்க அமெரிக்காவின் மைக் ஹூக்ஸ் என்ற முதியவர் சொந்தமாக ஒரு ராக்கெட் உருவாக்கி வானில் பறந்துள்ளார். விளைவு அவர் முதுகெலும்பு உடைந்தது தான் மிச்சம்.

மைக் ஹூக்ஸ் என்ற 62 வயதான முதியவர் இதற்கு முன்னர் சொந்தமாக ஒரு ராக்கெட் தயாரித்து பறந்து சாதனைப் படைத்ததோடு கின்னஸ் சாதனை புத்தகத்தில் இடம்பெற்றுள்ளார்.

பூமி கோளம் இல்லை :

பூமி கோளம் இல்லை, தட்டையாக உள்ளது என நிரூபிப்பதற்காக பல அமைப்புகள் அமெரிக்காவில் செயல்பட்டு வருகின்றன. அவர்களின் கூற்றை நிரூபிப்பதற்காக மைக் ஹூக்ஸ் நிறைய முயறிகளை செய்து வருகிறார்.

அதை நிரூபிப்பதற்காக அவரே சொந்தமாக கடுமையாக முயற்சித்து ஒரு ராக்கெட் உருவாக்கினார். 20 வருடமாக முயற்சித்து உருவாக்கிய ராக்கெட்டை ‘மோஜாவே’ என்ற பாலைவன பகுதிக்கு எடுத்துச் சென்று விண்ணில் ஏவினார். அந்த ராக்கெட்டில் தன்னை இறுக்கமாக கட்டிக்கொண்டு சுமார் 550 அடி உயரம் பறந்தார். ஆனால் அப்போது பூமியை நன்றாக பார்க்க முடியவில்லை.

அதனால் தற்போது மீண்டும் மற்றொரு ராக்கெட்டை உருவாக்கி 1875 அடி உயரம் பறந்து சாதித்தார். ஆனால் அவர் கீழே இறங்கும் போது ராக்கெட் தாறுமாறாக தரையிறங்கியதால் அவருக்கு பலமாக அடிபட்டதில் அவரின் முதுகெலும்பு உடைந்தது. தற்போது மோசமான நிலையில் மருத்துவமனையில் அனுமதிக்கப்பட்டுள்ளார்.