May 20

"ரஜினிக்கு படிப்பறிவு இல்லை.அதனால்தான் இப்படியெல்லாம் பேசறார்” -சீண்டும் சுப்பிரமணிய சாமி..!

'ரஜினிக்கு படிப்பறிவு இல்லாததால் அவரால் அரசியலில் வெற்றி பெற முடியாது' என பாஜக மூத்த தலைவர் சுப்ரமணிய சாமி கருத்து தெரிவித்துள்ளார்.

பெங்களூரில் தனியார் தொலைக்காட்சி நிறுவனம் ஒன்றுக்கு அளித்த பேட்டியில், “ ரஜினிக்கு பாஜக கட்சியில் இடம் கொடுக்கக் கூடாது.மேலும் அவரிடம் உறுதியான கருத்து கிடையாது. ஒரு நாள் ஒன்றை சொல்வார்.அடுத்த நாள் அதை மாற்றிப் பேசுவார். ஒரு நாள் ஜெயலலிதாவை எதிர்த்து பேசுவார்.

மறுநாள் அவருக்கே ஆதரவை தெரிவிப்பார். ரஜினி இப்படி ஸ்திரமாக அரசியல் செய்ய முடியாததற்கு காரணம்,அவருக்கு படிப்பறிவு கிடையாது என்பதுதான்.” என சுப்ரமணிய சாமி தெரிவித்துள்ளார்.

”ரஜினி கர்நாடகத்தில் பிறந்த ஒரு மராட்டியர். எனவே அவரால் தமிழகத்தில் அரசியல் செய்ய முடியாது” என சுப்ரமணியசாமி முன்னர் கருத்து தெரிவித்திருந்தார். இந்நிலையில் இந்த முறை மிகக் கடுமையாக, அவரது கல்வியறிவு குறித்து சுப்ரமணிய சாமி தாக்கிப் பேசியிருப்பது ரஜினி ரசிகர்களிடையே பெரும் சலசலப்பை ஏற்படுத்தியுள்ளது.